ବେଙ୍ଗାଲୁରୁ: ଆଉ କିଛି ସମୟ ପରେ ମଞ୍ଚସ୍ଥ ହେବ କର୍ଣ୍ଣାଟକ ରାଜନୀତିର ବଡ ନାଟକ ‘ କର୍ଣ୍ଣାଟକ କାହାର’ ଏହି ନାଟକର ଶେଷ କଣ ହେବ, ତାହା ଜାଣିବା ପାଇଁ ରାଜନୈତିକ ପଣ୍ଡିତ, ରାଜନେତା ଓ ଜନତା ସମସ୍ତେ ଅପେକ୍ଷା କରିଛନ୍ତି । ଉଭୟ ଜେଡିଏସ ଓ କଂଗ୍ରେସ ସରକାରକୁ ବଞ୍ଚାଇବା ପାଇଁ ଜୋରଦାର ପ୍ରୟାୟ କରୁଥିବାବେଳେ ବିଜେପି ମଧ୍ୟ ନିଶ୍ଚିତ ଯେ ସରକାର ସଂଖ୍ୟାଗରିଷ୍ଠତାର ପ୍ରମାଣ ଦେଇପାରିବ ନାହିଁ ।
ଏହାରି ମଧ୍ୟରେ ଉଭୟ ଦଳର ବିଧାୟକମାନେ ବିଧାନସଭାରେ ପହଞ୍ଚିସାରିଥିବାବେଳେ ରାଜ୍ୟ ବିଜେପି ସଭାପତି ତଥା ପୂର୍ବ ମୁଖ୍ୟମନ୍ତ୍ରୀ ବିଏସ ୟେଦୁରପ୍ପାଙ୍କ ବଡ ବୟାନ ଆସିଛି ।
ସେ କହିଛନ୍ତି ଆମେ ଏକଶହ ଏକ (101) ପ୍ରତିଶତ ନିଶ୍ଚିତ ଯେ ଏହି ସରକାର ଭାଙ୍ଗିବ । କାରଣ ଆମ ପାଖରେ 105 ଜଣ ବିଧାୟକ ଥିବାବେଳେ ମେଣ୍ଟ ପାଖରେ ଏକଶହରୁ ମଧ୍ୟ କମ ବିଧାୟକ ଅଛନ୍ତି । ତେଣୁ ଆମେ ନିଶ୍ଚିତ ଯେ ରାଜ୍ୟରେ ନୂତନ ସରକାର ଗଠନ ହେବ ଓ ରାଜ୍ୟବାସୀଙ୍କ ପାଇଁ କାମ କରିବ ।
