ପାଟନା: ବିହାରରେ ନୀତିଶଙ୍କ ନେତୃତ୍ବରେ ସରକାର ଗଠନ ପାଇଁ ପ୍ରସ୍ତୁତି ଜୋରଦାର ଚାଲିଛି । ଏପଟେ କିନ୍ତୁ କିଏ ହେବ ରାଜ୍ୟର ଉପମୁଖ୍ୟମନ୍ତ୍ରୀ ତାକୁ ନେଇ ଲାଗି ରହିଛି କେଁ । ଏନଡିଏର ବୈଠକରେ ପରେ ଔପଚାରିକ ଭାବେ ବିହାରର ମୁଖ୍ୟମନ୍ତ୍ରୀ ଭାବେ ନୀତିଶ କୁମାରଙ୍କ ନାଁ ଘୋଷଣା କରାଯିବ । ଏହାସହ ଉପମୁଖ୍ୟମନ୍ତ୍ରୀ ପଦକୁ ନେଇ ଲାଗି ରହିଥିବା ସସପେନ୍ସ ମଧ୍ୟ ସମାପ୍ତ ହେବାର ଆଭାସ ମିଳୁଛି ।
ବିଶେଷ ସୁତ୍ରରୁ ମିଳିଥିବା ଖବର ଅନୁସାରେ, ଉପମୁଖ୍ୟମନ୍ତ୍ରୀ ଭାବେ ସୁଶୀଲ ଦିଗବିଜୟଙ୍କ ନାଁ ଘୋଷଣା ହୋଇପାରେ । ବୈଠକ ପରେ ହିଁ ସବୁ କଳ୍ପନାଜଳ୍ପନାର ଅନ୍ତ ଘଟିପାରେ । ଏପଟେ ଉପମୁଖ୍ୟମନ୍ତ୍ରୀ ଭାବେ ଦିଗବିଜୟ ବଦଳରେ ନୂଆ ଚେହେରା ଦେଖିବାକୁ ମିଳିବ ବୋଲି ଚର୍ଚ୍ଚା ଜୋର ଧରିଥିଲା । ଦଳିତ ନେତା କାମେଶ୍ବର ଚୌପାଲ ଉପମୁଖ୍ୟମନ୍ତ୍ରୀ ହୋଇପାରନ୍ତି ଚର୍ଚ୍ଚା ଧରିଥିଲା ହେଲେ ଏବେ ସୁଶୀଲଙ୍କ ନାଁ ଅଧିକ ସାମ୍ନାକୁ ଆସୁଛି । ଏଥିପାଇଁ ସୁଶୀଲଙ୍କୁ ଦିଲ୍ଲୀ ଡକରା ହୋଇଛି । ବୈଠକ ଶେଷ ପରେ ହିଁ ଉପମୁଖ୍ୟମନ୍ତ୍ରୀଙ୍କ ନାଁ ଘୋଷଣା ହୋଇପାରେ ।
