ଚଣ୍ଡିଗଡ: ବିଜେପି ନେତ୍ରୀ ତଥା ଟିକଟକ ଷ୍ଟାର ସୋନାଲି ଫୋଗାଟଙ୍କ ଦବଙ୍ଗଗିରି । ଜଣେ ସରକାରୀ କର୍ମଚାରୀଙ୍କୁ ଚପଲରେ ମାରିବା ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓ ହିସାର ବାଲସଂସଦ ଗାଁର ବୋଲି କୁହାଯାଉଛି ।
ସୂଚନା ଅନୁସାରେ ଏଠାରେ ମାର୍କେଟିଂ କମିଟିର ପରଚେଜ ୱାଇଣ୍ଡ ଚାଲିଥିଲା । ଏହି ସମୟରେ ସୋନାଲି ଆସି ପହଞ୍ଚିଥିଲେ । କୌଣସି କାରଣକୁ ନେଇ ତାଙ୍କର ଏହି ସରକାରୀ କର୍ମଚାରୀଙ୍କ ସହ ପାଟିତୁଣ୍ଡ ହୋଇଥିଲା । ଫଳରେ ସୋନାଲି ତାଙ୍କୁ ଚପଲରେ ମାଡ ମାରିଥିଲେ ।
ଯେତିକି ଚାପୁଡା ବା ମାଡ ହୋଇଛି ସେତିକି ତୁମକୁ କମ ବୋଲି ଭିଡିଓରେ ସୋନାଲି କହୁଥିବା ଦେଖାଯାଇଛି । ତେବେ ଭିଡିଓ ଭାଇରାଲ ହେବା ପରେ ମୁଖ୍ୟମନ୍ତ୍ରୀଙ୍କ ନିକଟରେ ପହଞ୍ଚିଛି ମାମଲା । ବର୍ତ୍ତମାନ ଘଟଣା ବିଷୟରେ ସିଆଇଡି ବିଭାଗକୁ ଉତ୍ତର ମାଗିଛନ୍ତି ମୁଖ୍ୟମନ୍ତ୍ରୀ ।
ବ୍ୟୁରୋ ରିପୋର୍ଟ,ଇଟିଭି ଭାରତ
