କୋଲକାତା: ଗୁରୁବାର ଗଣତି ହେବ ଭୋଟ । ନିର୍ବାଚନ ସମୟରେ ସସସ୍ତ 7ଟି ଯାକ ପର୍ଯ୍ୟାୟରେ ହିଂସାର ରଣକ୍ଷେତ୍ର ପାଲଟିଥିଲା ପଶ୍ଚିମବଙ୍ଗ । ଗଣତି ସମୟରେ ବି ମାରପିଟ, ହିଂସା ହେବା ନେଇ ଆଶଙ୍କା କରିଛି ରାଜ୍ୟ ବିଜେପି । ବ୍ୟାପକ ସଂଖ୍ୟକ ପୋଲିସ ମୁତୟନ ସହ ସୁରକ୍ଷା କଡାକଡି କରିବାକୁ ନିର୍ବାଚନ କମିଶନଙ୍କ ପାଖରେ ଦାବି କରିଛି ଦଳ ।
ଭୋଟ ଗଣତିର ଦୁଇଦିନ ପୂର୍ବରୁ ଅର୍ଥାତ୍ ରବିବାର ପ୍ରକାଶ ପାଇଥିବା ବୁଥ ବାହୁଡା ମତରେ ବିଜେପିକୁ ମିଳିଛି ବହୁ ମତ । ସରକାର ଗଢିବା ପାଇଁ ଦଳ ପାଉଛି ସଂଖ୍ୟା ଗରିଷ୍ଠତା । ବିଜେପି ସଭାପତି ଅମିତ ଶାହ ମଧ୍ୟ ଏନଡିଏର ସମସ୍ତ ଦଳ ଗୁଡିକୁ ନେଇ ରାତ୍ରି ଭୋଜନ କାର୍ଯ୍ୟକ୍ରମ କରିସାରିଛନ୍ତି ।
କିନ୍ତୁ ଏହାରି ଭିତରେ ବିପକ୍ଷରେ ଥିବା ସମସ୍ତ ବିରୋଧି ଦଳ ଇଭିଏମ ହେରଫେର ଅଭିଯୋଗ ଆଣଛନ୍ତି । ସୁରକ୍ଷା ବ୍ୟବସ୍ଥା ସହ ସରକାରୀ ଦଳ କଳା କାରବାର କରିବାର ଅଭିଯୋଗ ଆଣି ମଙ୍ଗଳବାର ସନ୍ଧ୍ୟାରେ ନିର୍ବାଚନ କମିଶନଙ୍କୁ ଭେଟିଛି ।
