ନୂଆଦିଲ୍ଲୀ: ଧାରା 370କୁ ଉଚ୍ଛେଦ ପାଇଁ ଆଗତ ପ୍ରସ୍ତାବକୁ ବିଜେଡିର ସମର୍ଥନ । କେବଳ ଉଚ୍ଛେଦ ନୁହେଁ ଜମ୍ମୁ କାଶ୍ମୀରର ପୁନଃଗଠନ ନେଇ ଆସିଥିବା ବିଲ୍କୁ ମଧ୍ୟ ସମର୍ଥନ କରିଛି ଦଳ । ବିଜେଡି ସାଂସଦ ସସ୍ମିତ ପାତ୍ର ରାଜ୍ୟସଭାରେ ଏନେଇ ଚାଲିଥିବା ଆଲୋଚନାରେ ଭାଗ ନେଇ ବିଜେଡି ଏହାକୁ ସମର୍ଥନ କରୁଥିବା କହିଛନ୍ତି ।
ଭିଡିଓ ସୌଜନ୍ୟ: ରାଜ୍ୟସଭା ଟିଭି
ଏହା ସହ ଏହି ବିଲ୍ ଆଣିଥିବାରୁ ସେ କେନ୍ଦ୍ରସରକାରଙ୍କୁ ମଧ୍ୟ ଧନ୍ୟବାଦ ଦେଇଥିଲେ । ଏଥିସହ ଏହି ଦୁଇଟି ବିଲ୍ ଆଜି ରାଜ୍ୟସଭାରେ ପାରିତ ହେବା ଦରକାର ବୋଲି ସେ କହିଛନ୍ତି । ତେବେ ପ୍ରଥମେ ଦଳ ପକ୍ଷରୁ ସାଂସଦ ପ୍ରସନ୍ନ ଆଚାର୍ଯ୍ୟ ଏହି ବିଲ୍କୁ ବିଜେଡି ସମର୍ଥନ କରୁଥିବା କହିଥିଲେ । ଏହା ସହ ପିଓକେକୁ ମଧ୍ୟ ଭାରତର ଅଂଶ ହେଉ ବୋଲି ସେ ଦର୍ଶାଇଥିଲେ ।
