ନୂଆଦିଲ୍ଲୀ: ଭାରତୀୟ ଜନସଂଘର ପୂର୍ବତନ ସଭାପତି ତଥା ବିଚାର ଧାରାର ସ୍ରଷ୍ଟା ପଣ୍ଡିତ ଦୀନଦୟାଲ ଉପାଧ୍ୟାୟ । ସଂଘ ପରିବାରର ଏହି ବରିଷ୍ଠ ନେତାଙ୍କର ଆଜି 103 ତମ ଜନ୍ମ ଜୟନ୍ତୀ । ଆମେରିକା ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଣ୍ଡିତ ଦୀନଦୟାଲଙ୍କୁ ଶ୍ରଦ୍ଧାଞ୍ଜଳୀ ଜଣାଇଛନ୍ତି । ବିଜେପି କାର୍ଯ୍ୟାଳୟରେ ପଣ୍ଡିତ ଉପାଧ୍ୟାୟଙ୍କ ପ୍ରତିମୂର୍ତ୍ତିରେ ପୁଷ୍ପମାଲ ଅର୍ପଣ କରି ଶ୍ରଦ୍ଧାଞ୍ଜଳୀ ଜଣାଇଛନ୍ତି ଗୃହମନ୍ତ୍ରୀ ଅମିତ ଶାହା ।
ଭାରତର ମହାନତମ ପ୍ରତିକ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଜୀବନୀ ସେବା କରିବାର ଭାବନାକୁ ଅଧିକ ଦୃଢୀଭୂତ କରୁଛି । ତାଙ୍କ କରୁଣା ସର୍ବଦା ରହିଥିବ ବୋଲି ଟ୍ବିଟର ଯୋଗେ ଜଣାଇଛନ୍ତି ପ୍ରଧାନମନ୍ତ୍ରୀ । ସେହିପରି ଗୃହମନ୍ତ୍ରୀ ଅମିତ ଶାହା ମଧ୍ୟ ଶ୍ରଦ୍ଧାଞ୍ଜଳୀ ଜ୍ଞାପନ କରିଛନ୍ତି । ଯାହାଙ୍କ ବିଚାର ଏବଂ ସିଦ୍ଧାନ୍ତର ବୀଜ ଦେଶରେ ଏକ ବିକଳ୍ପ ବିଚାରଧାରା ଭାବରେ କାର୍ଯ୍ୟ କରୁଛି । ପଣ୍ଡିତଙ୍କର ବିଚାରଧାରା କ୍ଷମତା ପାଇଁ ନୁହେଁ ମାତ୍ର ରାଷ୍ଟ୍ର ନିର୍ମାଣ ପାଇଁ ବୋଲି କହିଛନ୍ତି ଗୃହମନ୍ତ୍ରୀ ।
ଏକାତ୍ମ୍ୟ ମାନବବାଦର ପ୍ରଣେତା ଏବଂ ଅନ୍ତୋଦୟ ବିଚାରକୁ ଜାବୁଡ଼ି ଧରି ଜୀବନକୁ ଉତ୍ସର୍ଗ କରିଥିବା ମହାନାୟକଙ୍କୁ ମେନେ ପକାଇ ସ୍ମରଣ କରିଛନ୍ତି ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ । ସେହିପରି ବିଜେପିର ଅନେକ ବରିଷ୍ଠ ନେତା ଏବଂ ମନ୍ତ୍ରୀ ଶ୍ରଦ୍ଧାଞ୍ଜଳୀ ଜଣାଇଛନ୍ତି । ଦିଲ୍ଲୀସ୍ଥିତ ପାର୍କ ପଏଣ୍ଟ ରୋଡ଼ ମାର୍ଗରେ ଥିବା ଦୀନଦୟାଲଙ୍କ ପ୍ରତିମୂର୍ତ୍ତିକୁ ସଫା କରିବା ସହିତ ପୁଷ୍ପମାଲ୍ୟ ଅର୍ପଣ କରାଛନ୍ତି ବିଜେପି କାର୍ଯ୍ୟକାରୀ ସଭାପତି ଜେ.ପି ନଡ୍ଡା ଏବଂ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ହର୍ଷବର୍ଦ୍ଧନ ।
