ପାଟନା: ଦିଲ୍ଲୀରେ ପ୍ଲାଜମା ଥେରାପିର ପ୍ରାଥମିକ ପର୍ଯ୍ୟାୟ ସଫଳ ପରେ ବିହାର କରିବ ପ୍ଲାଜମା ଥେରାପି । ପାଟନା ଏମ୍ସରେ ପ୍ଲାଜମା ଥେରାପି କରିବା ନେଇ ଯୋଜନା କରୁଛନ୍ତି ନୀତିଶ ସରକାର । ଏନେଇ ବିହାରର ମୁଖ୍ୟ ସ୍ବାସ୍ଥ୍ୟ ସଚିବ ସଞ୍ଜୟ କୁମାର କହିଛନ୍ତି ।
ବିହାରରେ ସମୁଦାୟ 225 କୋଭିଡ ମାମଲା ରିପୋର୍ଟ ହୋଇଛି । ସେଥିମଧ୍ୟରୁ 46 ଜଣ ସୁସ୍ଥ ହୋଇଛନ୍ତି । 2 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଗତକାଲି ଦିଲ୍ଲୀରେ ପ୍ଲାଜମା ଥେରାପି ସଫଳ ହୋଇଥିବା ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସୂଚନା ଦେଇଥିଲେ ।
କୋରୋନାରୁ ସୁସ୍ଥ ହେଉଥିବା ବ୍ୟକ୍ତିଙ୍କ ରକ୍ତରୁ ପ୍ରସ୍ତୁତ ହୁଏ ପ୍ଲାଜମା । ଏହି ପ୍ଲାଜମାକୁ ଅନ୍ୟ ଗୁରୁତର ବ୍ୟକ୍ତିଙ୍କୁ ଦିଆଯାଇଥାଏ । କୋରୋନାରୁ ସୁସ୍ଥ ହେଉଥିବା ବ୍ୟକ୍ତିଙ୍କ ଠାରେ ରୋଗ ପ୍ରତିରୋଧ ଶକ୍ତି ବୃଦ୍ଧି ହେଉଥିବାରୁ ସେମାନଙ୍କ ରକ୍ତ ଅନ୍ୟମାନଙ୍କ କ୍ଷେତ୍ରରେ କାମ ଦେଇଥାଏ ।
