ନୂଆଦିଲ୍ଲୀ: ଭାରତୀୟ ଗୁଇନ୍ଦା ବିଭାଗକୁ ବଡ଼ ସଫଳତା । ହରିୟାଣାର ହିସାର ଅଞ୍ଚଳରୁ 3 ସନ୍ଦିଗ୍ଧ ଆଇଏସଆଇ ଏଜେଣ୍ଟ ଗିରଫ । ଭାରତୀୟ ସେନାର ଗୁପ୍ତ ଓ ସମ୍ବେଦନଶୀଳ ତଥ୍ୟକୁ ସେମାନେ ପାକିସ୍ତାନକୁ ପଠାଉଥିବାର ଅଭିଯୋଗ ହୋଇଛି । ଏପରିକି ବହୁ ଗୋପନୀୟ ତଥ୍ୟ ମଧ୍ୟ ପାକିସ୍ତାନକୁ ପଠାଇଥିବା ଜଣାପଡ଼ିଛି ।
ଏହି ତିନି ସଦିଗ୍ଧ ହେଉଛନ୍ତି ଉତ୍ତରପ୍ରଦେଶର ମସାବୀ ଅଞ୍ଚଳର 22 ବର୍ଷୀୟ ଖାଲିଦ, ମୁଜ୍ଜାଫରନଗରର ଶୋରପୁରର 28 ବର୍ଷୀୟା ମହତାବ ଓ 34 ବର୍ଷୀୟ ରାଗୀବ। ଛାବନୀ ଅଞ୍ଚଳରେ ଗତ କିଛି ଦିନ ଧରି କାମ ଚାଲୁଥିବା ବେଳେ ଏଠାରେ ଠିକାଦାର ଭାବେ କାମ କରୁଥିଲେ । ଏମାନଙ୍କ ଫୋନରୁ ପାକିସ୍ତାନକୁ ଭିଡିଓ ପଠାଯିବା ସହ ହ୍ବାର୍ଟସଆପ୍ ମାଧ୍ୟମରେ ଜୁଲାଇରେ ପାକିସ୍ତାନ ସହ କଥାବାର୍ତ୍ତା ହୋଇଥିବାର ସୂଚନା ମିଳିଛି ।
ଏହା ପୂର୍ବରୁ 22 ଜୁଲାଇରେ ଗୁଇନ୍ଦା ତଥ୍ୟ ଅଧାରରେ ପଞ୍ଜାମ ଅମୃତସରର ଜଣେ ରେଲୱେ କର୍ମଚାରୀଙ୍କୁ ଗିରଫ କରାଯାଇଥିଲା । ଗିରଫ କର୍ମଚାରୀ ପାକିସ୍ତାନର ଆଇଏସଆଇ ପାଇଁ କାମ କରୁଥିବାର ଅଭିଯୋଗ ହୋଇଥିଲା । ଗିରଫ ହୋଇଥିବା ସନ୍ଦିଗ୍ଧ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ପଡୋଶୀ ଦେଶକୁ ଦେଉଥିଲା । ଏ ସମ୍ପର୍କରେ ଜଣାପଡିବା ପରେ ପଞ୍ଜାବ ପୋଲିସ ତାକୁ ଗିରଫ କରିଥିଲା ।
