କୋଲକାତା: ପଶ୍ଚିମବଙ୍ଗ ବିଜେପି ସଭାପତି ତଥା ମେଦୀନପୁର ସାଂସଦ ଦିଲୀପ ଘୋଷଙ୍କୁ ଆକ୍ରମଣ । ମର୍ଣ୍ଣିଂ ଓ୍ବାକରେ ଯାଉଥିବା ସମୟରେ କୋଲକାତାର ଲେକ ଟାଉନଠାରେ ତାଙ୍କ ଉପରେ ଆକ୍ରମଣ ହୋଇଛି । ସବୁଦିନ ଭଳି ସେ ମର୍ଣ୍ଣିଂ ଓ୍ବାକ ଓ ‘ଚାୟ ପେ ଚର୍ଚ୍ଚା’ ପାଇଁ ଯାଉଥିଲେ ।
ରାଜ୍ୟରେ କ୍ଷମତାସୀନ ତୃଣମୂଳ କଂଗ୍ରେସ ସମର୍ଥକଙ୍କ ଉପସ୍ଥିତିରେ ଦିଲୀପଙ୍କ ଉପରେ ଆକ୍ରମଣ ହୋଇଥିଲା । ଏ ଘଟଣାରେ ଟିଏମସି କର୍ମକର୍ତ୍ତା ସମ୍ପୃକ୍ତ ଥିବାର ଅଭିଯୋଗ ଆଣିଛନ୍ତି ଦିଲୀପ । ଏହି ଆକ୍ରମଣରେ ଅନ୍ୟ ଦୁଇ ବିଜେପି କାର୍ଯ୍ୟକର୍ତ୍ତା ଆହତ ହୋଇଛନ୍ତି ।
ଭିଡିଓ ସୌଜନ୍ୟ: ଇଟିଭି ଭାରତ
ପୂର୍ବରୁ ଅନେକ ଥର ବିଜେପି ନେତା ଦିଲୀପ ଘୋଷଙ୍କ ଉପରେ ଆକ୍ରମଣ ହୋଇଛି । କିଛି ଦିନ ପୂର୍ବରୁ ତାଙ୍କ ଉପରେ ଆକ୍ରମଣ ହେବାର ସମ୍ଭାବନା ଥିବାର ଖବର ପାଇବା ପରେ ଗୁଇନ୍ଦା ବିଭାଗ ତାଙ୍କୁ ଅନ୍ୟ ଏକ ବାସଭବନକୁ ସ୍ଥାନାନ୍ତର କରିଥିଲା ।
