ଗୌହାଟୀ: ଆସାମରେ ଅସମ୍ଭାଳ ବନ୍ୟାସ୍ଥିତି। ମହାମାରୀରେ ମହାଦଶା ଆଣୁଛି ଜଳ ଦୁର୍ଦ୍ଦଶା। ଯେମିତି ଦୁର୍ଦ୍ଦଶା ଆଉ ଦୁର୍ଦ୍ଦିନର ଅଭିଶାପରେ ଘାଣ୍ଟି ହେଉଛି ରାଜ୍ୟ । ଚାରିପଟୁ ବିପର୍ଯ୍ୟୟ, ମହାମାରୀ ଆଉ ବିତ୍ପାତର ତାଣ୍ଡଵ। ମାଟିରେ ପାଦ ରଖି ହେଉ ନାହିଁ, ପବନରେ ନିଶ୍ବାସ ନେବା ବି କଷ୍ଟ। ଘର ଭିତରେ ଭୋକର ଜ୍ବାଳା, ଘର ବାହାରେ ମୃତ୍ୟୁର ବିଭିଷିକା। ଏହି କରାଳ କଷ୍ଟରେ ଦହଗଞ୍ଜ ଜନ ଜୀବନ। ଅସ୍ତବ୍ୟସ୍ତ ମଣିଷକୁ ରାହା ମିଳୁନି। ସତେଯେମିତି ପ୍ରକୃତି ଜାରୀ କରିଛି, ମୃତ୍ୟର ପରଓ୍ବାନା ଆଉ ଅଜାଡି ଦେଉଛି ବିପର୍ଯ୍ୟୟର ଆକ୍ରମଣ।
ଏବେ ସୁଦ୍ଧା ରାଜ୍ୟରେ ବନ୍ୟା ଯୋଗୁଁ ରାଜ୍ୟର 26 ଟି ଜିଲ୍ଲାର ପ୍ରାୟ 28 ଲକ୍ଷ ଲୋକ ପ୍ରଭାବିତ ହୋଇଛନ୍ତି। ଆସାମ ରାଜ୍ୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (ASDMA) ଅନୁଯାୟୀ, କାଲଗାଚିଆ, କୋକରାଜ ଏବଂ ମାୟୋଙ୍ଗରୁ ବନ୍ୟା ଜନିତ ଘଟଣାରେ ମୃତ୍ୟୁସଂଖ୍ୟା 96କୁ ହୋଇଥିବା ବେଳେ 26 ଜଣ ଭୂସ୍ଖଳନ ହେତୁ ପ୍ରାଣ ହରାଇଥିବା ଜଣାଯାଇଛି।
ରାଷ୍ଟ୍ରପତି ରାମନାଥ କୋବିନ୍ଦ, ମୁଖ୍ୟମନ୍ତ୍ରୀ ସରବାନନ୍ଦ ସୋନୋୱାଲଙ୍କୁ ଡାକି ବନ୍ୟା ପରିସ୍ଥିତିକୁ ଅନୁଧ୍ୟାନ କରିଥିଲେ। କୋବିନ୍ଦ ରାଜ୍ୟର ବନ୍ୟା ପ୍ରପୀଡିତ ଲୋକମାନଙ୍କ ସହ ଏକତା ପ୍ରକାଶ କରି କହିଛନ୍ତି ଯେ ଆସାମର ଲୋକଙ୍କ ସହ ସମଗ୍ର ଦେଶ ଛିଡା ହୋଇଛି।
ବନ୍ୟା ପରିସ୍ଥିତି ଏବଂ ଭୂସ୍ଖଳନ ସହିତ ରାଜ୍ୟରେ କୋଭିଡ୍ ମହାମାରୀ, ଆଫ୍ରିକୀୟ ଘୁଷୁରି ଜ୍ୱର ଏବଂ ଟିନ୍ସୁକିଆ ଜିଲ୍ଲାର ବାଗଜାନରେ ତୈଳ କୂଅରେ ନିଆଁ ଲାଗିବା ସହ ମୁଖ୍ୟମନ୍ତ୍ରୀ ରାଷ୍ଟ୍ରପତିଙ୍କୁ ସୂଚନା ଦେଇଛନ୍ତି।
''ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦ ଜି ଫୋନ୍ ମାଧ୍ୟମରେ ରାଜ୍ୟର ବନ୍ୟା ପରିସ୍ଥିତି ତଥା ସାମଗ୍ରିକ ସ୍ଥିତିକୁ ଅନୁଧ୍ୟାନ କରିଛନ୍ତି। ମୁଁ ତାଙ୍କ ବିବୃତ୍ତିରେ ନମ୍ର ହୋଇଛି ଯେ ସମଗ୍ର ଦେଶ ଆସାମର ଲୋକଙ୍କ ସହ ଅଛନ୍ତି ଏବଂ ତାଙ୍କୁ ଧନ୍ୟବାଦ ଦେଉଛନ୍ତି। ତାଙ୍କର ଗଭୀର ଚିନ୍ତା, ନିରନ୍ତର ସମର୍ଥନ ଏବଂ ମାର୍ଗଦର୍ଶନ ପାଇଁ ରାଜ୍ୟବାସୀ କୃତଜ୍ଞ ବୋଲି ସୋନୱାଲ ଟ୍ବିଟରେ ଲେଖିଛନ୍ତି।''
ଏହି ସମୟରେ ଆସାମ ରାଜ୍ୟପାଳ ଜଗଦୀଶ ମୁଖୀ ଚିରଙ୍ଗ ଜିଲ୍ଲା ପରିଦର୍ଶନ କରି ରିଲିଫ ଏବଂ ଥଇଥାନ କାର୍ଯ୍ୟ ତଦାରଖ କରିଥିଲେ। ଏବଂ ଦୁଇଟି ରିଲିଫ କ୍ୟାମ୍ପରେ ଆଶ୍ରୟ ନେଉଥିବା ଲୋକଙ୍କ ସହ ଆଲୋଚନା କରିଥିଲେ।
ASDMA ଅନୁଯାୟୀ, 2543 ଗାଁ ଜଳବନ୍ଦୀ ହୋଇ ରହିଛି ଏବଂ ଆସାମରେ 1,22,573.16 ହେକ୍ଟର ଫସଲ କ୍ଷେତ୍ର କ୍ଷତିଗ୍ରସ୍ତ ହୋଇଛି । ଅଧିକାରୀମାନେ 22 ଟି ଜିଲ୍ଲାରେ 496 ରିଲିଫ୍ କ୍ୟାମ୍ପ ଏବଂ ବିତରଣ କେନ୍ଦ୍ର ଚଳାଉଛନ୍ତି, ଯେଉଁଠାରେ ବର୍ତ୍ତମାନ 50,136 ଲୋକ ଆଶ୍ରୟ ନେଉଛନ୍ତି ।
ଗତ 24 ଘଣ୍ଟା ମଧ୍ୟରେ SDRF,ଜିଲ୍ଲା ପ୍ରଶାସନ ଏବଂ ସ୍ଥାନୀୟ ଲୋକ ପ୍ରାୟ 1350 ଲୋକଙ୍କୁ ଉଦ୍ଧାର କରିଥିଲେ। ବ୍ରହ୍ମପୁତ୍ର ଗୌହାଟୀ, ଧୁବ୍ରି ଏବଂ ଗୋଲପାରା ସହରରେ ଜଳ ବିପଦ ସଙ୍କେତ ଉପରେ ପ୍ରବାହିତ ହେଉଛି। ଏହା ବ୍ୟତୀତ ଜୋରହାଟର ନିମାଟିହାଟ ଏବଂ ସୋନୀତପୁର ଜିଲ୍ଲାର ତେଜପୁର। ଗୋଲପାରା ହେଉଛି ସବୁଠାରୁ ଅଧିକ କ୍ଷତିଗ୍ରସ୍ତ ଜିଲ୍ଲା, ପରେ ବାରପେଟା ଏବଂ ମୋରିଗାଓଁ ।
