ଗୌହାଟୀ: ଆସାମରେ ଜଳ ପ୍ରଳୟ । 9ଟି ଜିଲ୍ଲାର 2.25 ଲକ୍ଷ ଲୋକେ ପ୍ରଭାବିତ ହୋଇଛନ୍ତି । 219 ଗାଁ ବନ୍ୟାରେ ପ୍ରଭାବିତ ହୋଇଥିବା ବେଳେ 10,000 ହେକ୍ଟର ଚାଷ ଜମି ନଷ୍ଟ ହୋଇଛି । ଏନେଇ ଆସାମ ରାଜ୍ୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ପକ୍ଷରୁ ସୂଚନା ମିଳିଛି । ନାଗାଓଁ ଜିଲ୍ଲାର 43ଟି ରିଲିଫ କ୍ୟାମ୍ପରେ ଶତାଧିକ ଲୋକ ଆଶ୍ରୟ ନେଇଛନ୍ତି। ଧମାଜୀ, ଲାଖିମପୁର, ନାଗାଓଁ, ମୋରିଗାଓଁ, ଟିନସୁକିଆ, ଡିବ୍ରୁଗଡ ଓ ସିଭାସାଗର ଜିଲ୍ଲା ଗୁଡିକ ଅଧିକ ପ୍ରଭାବିତ ହୋଇଛି ।
40,000 ଗୃହପାଳିତ ପଶୁ ମଧ୍ୟ ପ୍ରଭାବିତ ହୋଇଥିଲା ବେଳେ ବିଭିନ୍ନ ସ୍ଥାନରେ ସଡକ, ବ୍ରିଜ୍, ବନ୍ଧ ଓ କଲଭର୍ଟ ଧୋଇ ଯାଇଛି । ବ୍ରହ୍ମପୁତ୍ର ଜୋରହାଟ ଓ ସୋନିଟପୁର ଜିଲ୍ଲାର ନେମାଟିଘାଟରେ ବିପଦ ସଙ୍କେତ ଉପରେ ପ୍ରଭାହିତ ହେଉଥିଲା ବେଳେ ଉପନଦୀ ଜିଆ ଭରଲି ଓ କୋପିଲି ସୋନିଟପୁର ଓ ନାଗାଓଁ ଜିଲ୍ଲାରେ ବିପଦ ସଙ୍କେତ ଉପରେ ପ୍ରଭାହିତ ହେଉଛି । ଅଗଷ୍ଟରେ ହୋଇଥିବା ବନ୍ୟାରେ 22 ଜିଲ୍ଲାରେ 118 ଜଣଙ୍କର ମୃତ୍ୟୁ ଘଟିଥିବା ବେଳେ ଭୂସ୍ଖଳନରେ 26 ଜଣଙ୍କର ଜୀବନ ଯାଇଥିଲା । 33 ଜିଲ୍ଲାର ମଧ୍ୟରୁ 30 ଜିଲ୍ଲାର 57 ଲକ୍ଷ ଲୋକ ପ୍ରଭାବିତ ହୋଇଥିଲେ ।
@ IANS
