ନୂଆଦିଲ୍ଲୀ: ସୀମାରେ ସେନାକୁ ଆହୁରି ଅଧିକ ଦୃଢ କରିବା ପାଇଁ ଏକ ବହୁତ ବଡ ପ୍ଲାନ ପ୍ରସ୍ତୁତ କରୁଛି ଭାରତ । ଅତିଶୀଘ୍ର ସୀମାରେ ସେନା ପାଇଁ ଗୋଲା ବାରୁଦ ରଖିବା ପାଇଁ ୪ଟି ସୁଡଙ୍ଗ ନିର୍ମାଣ କରାଯିବ ।
ସୀମାରେ ସୁଡଙ୍ଗ ନିର୍ମାଣ ପାଇଁ ଭାରତୀୟ ସେନା ଓ ଏନଏଚପିସି ମଧ୍ୟରେ ଚୁକ୍ତି କରାଯାଇଛି । ଏଥିଯୋଗୁଁ କୌଣସି ପାଣିପାଗରେ ଅସ୍ତ୍ରଶସ୍ତ୍ର, ଗୋଲାବାରୁଦ, ଜରୁରୀ ସୁବିଧା ସିଧା ସଳଖ ସେନା ନିକଟକୁ ପହଞ୍ଚାଇ ସହଜ ହେବ ।
୪ଟି ଟନଲରେ ୧୭୫ରୁ ୨୦୦ ମେଟ୍ରିକ ଟନ ଗୋଲାବାରୁଦ ରଖିବାର କ୍ଷମତା ରହିବ । ଏହି ପ୍ରୋଜେକ୍ଟ ଅନ୍ତର୍ଗତ ପାକିସ୍ତାନ ଓ ଚୀନ ସୀମାରେ ସୁଡଙ୍ଗ ନିର୍ମାଣ କରାଯିବ । ଗୋଟିଏ ଏମ୍ୟୁନେଶନ ଡମ୍ପ ଭାରତ-ପାକ ସୀମାରେ ଓ ୩ଟି ଭାରତ-ଚୀନ ସୀମାରେ ନିର୍ମାଣ କରାଯିବ । ଏହାକୁ ନିର୍ମାଣ କରିବା ପାଇଁ ୨ ବର୍ଷର ସମୟ ସୀମା ଧାର୍ଯ୍ୟ କରାଯାଇଛି ।
