କାଠମାଣ୍ଡୁ: ଭାରତୀୟ ସେନା ମୁଖ୍ୟ ଜେନେରାଲ ମନୋଜ ମୁକୁନ୍ଦ ନରୱଣେଙ୍କ ପତ୍ନୀ ନଭେମ୍ବର 6 ରେ କାଠମାଣ୍ଡୁରେ ରହୁଥିବା ଗୋର୍ଖା ଯବାନଙ୍କ ପତ୍ନୀଙ୍କୁ ଉପହାର ପ୍ରଦାନ କରିଛନ୍ତି । ନୂଆଦିଲ୍ଲୀର ଦକ୍ଷିଣ ବ୍ଲକର ଆର୍ମି ମୁଖ୍ୟାଳୟରେ ତାଙ୍କ ସ୍ବାମୀଙ୍କ ସହ କାମ କରୁଥିବା ଚାରି ଗୋର୍ଖା ଯବାନଙ୍କ ପତ୍ନୀଙ୍କୁ ଏହି ଉପହାର ପ୍ରଦାନ କରାଯାଇଛି ।
ଏନେଇ ଭାରତୀୟ ସେନାର ଅଧିକାରୀ କହିଛନ୍ତି ଯେ ଦିଲ୍ଲୀର ଥିବା ଯବାନ, ସେମାନଙ୍କ ପତ୍ନୀଙ୍କ ପାଇଁ ଉପହାର ପଠାଇଥିଲେ । ଏହି ଉପହାରକୁ ଆର୍ମି ମୁଖ୍ୟଙ୍କ ପତ୍ନୀ ବୀଣା ନରୱଣେ ହସ୍ତାନ୍ତର କରିଛନ୍ତି । କୋଭିଡ-19 ମହାମାରୀକୁ ଦୃଷ୍ଟିରେ ରଖି ସାରା ବିଶ୍ବରେ ପ୍ରତିବନ୍ଧକ ମଧ୍ୟରେ ଯବାନଙ୍କ ପତ୍ନୀ ଉପହାର ଗ୍ରହଣ କରି ଖୁସି ହୋଇଛନ୍ତି ।
ତେବେ ନଭେମ୍ବର 4 ରୁ 6 ପର୍ଯ୍ୟନ୍ତ ଭାରତୀୟ ସେନା ମୁଖ୍ୟ ଏବଂ ତାଙ୍କ ପତ୍ନୀ ନେପାଳ ଗସ୍ତରେ ଯାଇଛନ୍ତି । ଏହି ଯାତ୍ରା ସମୟରେ ସେ ଯବାନଙ୍କ ଉପହାରକୁ ସେମାନଙ୍କ ପତ୍ନୀଙ୍କ ପାଖରେ ପହଞ୍ଚାଇବାକୁ ଚାହିଁଥିଲେ । ଚଳିତ କୋଭିଡ ମହାମାରୀ କାରଣରୁ ଯବାନ ମାନେ ନିଜ ନିଜ ଘରକୁ ଯାଇପାରିନଥିଲେ ।
ପ୍ରକାଶଥାଉକି, ଆର୍ମି ମୁଖ୍ୟ ନୂଆଦିଲ୍ଲୀରେ ଯବାନଙ୍କ ସହ ଦଶହରା ପାଳନ କରିଥିଲେ । ଭାରତୀୟ ସେନାରେ ନେପାଳର ବହୁ ସଂଖ୍ୟକ ଗୋର୍ଖା ସୈନ୍ୟ ଅଛନ୍ତି ଏବଂ ସେମାନେ ସର୍ବୋତ୍ତମ ବୋଲି ବିବେଚନା କରାଯାଏ । ନେପାଳ ଗସ୍ତ ସମୟରେ ଭାରତୀୟ ସେନା ମୁଖ୍ୟ ନେପାଳରେ ରହୁଥିବା ବହୁ ସଂଖ୍ୟକ ସୈନ୍ୟ ଅଧିକାରୀଙ୍କୁ ଭେଟିଥିଲେ । ସେ ନେପାଳ ପ୍ରଧାନମନ୍ତ୍ରୀ କେ.ପି ଶର୍ମା ଅଲିଙ୍କୁ ଫୋନ୍ କରିଥିଲେ ଓ ତାଙ୍କ ନେପାଳୀ ପ୍ରତିପକ୍ଷ ଜେନ ପୁର୍ଣ୍ଣା ଚନ୍ଦ୍ର ଥାପାଙ୍କ ସହ ଆଲୋଚନା ମଧ୍ୟ କରିଥିଲେ।
@ANI
