କୋଲକାତା: ପଶ୍ଚିମବଙ୍ଗରେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା । ରବିବାର ପହଞ୍ଚି ଏନଏସଜିରେ ସ୍ବତନ୍ତ୍ର କମ୍ପୋଜିଟ୍ ଗ୍ରୁପ କମ୍ପ୍ଲେକ୍ସର ଉଦଘାଟନ କରିଛନ୍ତି । ଅମିତ୍ ଶାହାଙ୍କ ଗସ୍ତକୁ ବିରୋଧ କରିଛନ୍ତି ବିରୋଧି ଦଳ । ସିଏଏ ବିରୋଧ ନାରା ଦେବା ସହ ‘ଗୋ ବ୍ୟାକ୍’ର ନାରା ଦେଇଛନ୍ତି । ଏୟାରପୋର୍ଟରେ ପଶ୍ଚିମବଙ୍ଗର ବିଜେପି ମୁଖ୍ୟ ତଥା ରାଜ୍ୟ ଦଳ ଅଧ୍ୟକ୍ଷ ଦିଲ୍ଲୀପ ଘୋଷ ତାଙ୍କ ସ୍ବାଗତ କରିଥିଲେ ଓ ସେଠାରେ ହିଁ ‘ଗୋ ବ୍ୟାକ୍’ର ନାରା ଲାଗିଥିଲା ।
ବାମପନ୍ଥୀ ଓ କଂଗ୍ରେସ ପକ୍ଷରୁ ଶହ ଶହ ଆନ୍ଦୋଳନକାରୀ କଳା ପତାକା ଧରି ପ୍ରତିବାଦ କରିବା ସହ ସିଏଏ ବିରୋଧି ପୋଷ୍ଟର ଧରିଥିଲେ । ଏୟାରପୋର୍ଟର ଗେଟ୍ ନମ୍ବର 1ରେ ପ୍ରତିବାଦ ଜଣାଇଥିଲେ । ପ୍ରକାଶଥାଉକି, ଏନଏସଜିରେ ଉଦଘାଟନ କରିବା ପରେ ଶହୀଦ ମିନାର ଗ୍ରାଉଣ୍ଡରେ ଏକ ରାଲିକୁ ସମ୍ବୋଧିତ କରିବେ । ସେଠାରେ ଶାହାଙ୍କୁ ସମ୍ବୋଧିତ କରାଯିବ । ଅନ୍ୟପକ୍ଷେ ବିଜେପି ଅଧ୍ୟକ୍ଷ ଜେପି ନଡ୍ଡା ମଧ୍ୟ ଉପସ୍ଥିତ ରହିବେ ।
ଏହା ବ୍ୟତୀତ ଦକ୍ଷିଣ କୋଲକାତାର କାଲିଘାଟ ମନ୍ଦିର ପରିଦର୍ଶନ କରିବେ ଗୃହମନ୍ତ୍ରୀ । ଅନ୍ୟପକ୍ଷେ ବାମପନ୍ଥୀ ଦଳ ନେତା ସୁଜନ୍ ଚକ୍ରବର୍ତ୍ତୀ ସିଏଏ ବିରୋଧରେ ପଦଯାତ୍ରା କରିଛନ୍ତି । ପାକ୍ ସର୍କସ କ୍ବେଷ୍ଟ ମଲ୍ ସମ୍ମୁଖରେ ଏସଏଫଆଇ ନେତାମାନେ ମଧ୍ୟ ବିରୋଧ ପ୍ରଦର୍ଶନ କରିଛନ୍ତି ।
PTI ଇନପୁଟ ସହ ବ୍ୟୁରୋ ରିପୋର୍ଟ, ଇଟିଭି ଭାରତ
