ଭୋପାଳ: ମହାମାରୀ କୋରୋନା ଦେଶରେ ଆତଙ୍କ ଖେଳାଇଥିବା ବେଳେ ମଧ୍ୟପ୍ରଦେଶରେ ଇସ୍ତଫା ଦେଲେ 50 ଡାକ୍ତର । ସରକାରୀ ଗଜ ରାଜ ମେଡିକାଲ କଲେଜର ଜୟରୋଗ୍ୟ ହସ୍ପିଟାଲରେ ଚାକିରି ଛାଡିଲେ ଚୁକ୍ତିଭିତ୍ତିକ ଡାକ୍ତର । ଡାକ୍ତରଙ୍କ ସଂଖ୍ୟା ଅଭାବ ସମୟ ଇସ୍ତଫା ଏବେ ଚିନ୍ତା ବଢାଇଛି ।
ତିନି ମାସରୁ ଅଧିକ ଚୁକ୍ତିନାମା ନବୀକରଣ ପାଇଁ ରାଜ୍ୟ ମେଡିକାଲ ଶିକ୍ଷା ବିଭାଗ ପକ୍ଷରୁ ଏକ ନୂତନ ନିର୍ଦ୍ଦେଶନାମା ଜାରି ହୋଇଥିଲା । ରୋଲରେ ଥିବା 82 ଡାକ୍ତରଙ୍କ ମଧ୍ୟରୁ 50 ଜଣ ଏହାକୁ ପ୍ରତ୍ୟାଖ୍ୟାନ କରି ଇସ୍ତଫା ଦେଇଛନ୍ତି। ଗଜରାଜ ହସ୍ପିଟାଲର ଡାକ୍ତର ଏସଏନ ଆଇୟେଙ୍ଗାର କହିଛନ୍ତି 82 ଜଣ ଡାକ୍ତରଙ୍କୁ ଅସ୍ଥାୟୀ ରୂପେ ନିଯୁକ୍ତି ଦିଆଯାଇଥିଲା । ଏମାନେ ସମସ୍ତ ଜୟଆରୋଗ୍ୟ ହସ୍ପିଟାଲର ଇଣ୍ଟରସିପ କରିଥିଲେ । ଚୁକ୍ତିନାମା ନିଯୁକ୍ତି ଜାରି ରଖିବା ପାଇଁ ରାଜ୍ୟ ସରକାରଙ୍କ ଏକ ନୂତନ ନିର୍ଦ୍ଦେଶ ଜାରି କରିଥିଲେ। ସେଥିମଧ୍ୟରୁ 50 ଜଣ ଏଠାରେ କାମ କରିବେ ନାହିଁ ଜଣାଇ ଦେଇଥିଲେ ।