ଚଣ୍ଡିଗଡ: ହରିୟାଣାର ଅମ୍ବାଲାରେ ଶନିବାର ପୋଲିସକୁ ବଡ ସଫଳତା ମିଳିଛି । ଏକ ସେଓ ଟ୍ରକରେ ଲୁଚି ଜମ୍ମୁରୁ ଦିଲ୍ଲୀ ଯାଉଥିବା ଜଣେ ସନ୍ଦିଗ୍ଧ ଆତଙ୍କବାଦୀକୁ ଗିରଫ କରିଛି ପୋଲିସ । ତେବେ ଗିରଫ ଆତଙ୍କବାଦୀକୁ ଜମ୍ମୁ ପୋଲିସକୁ ହସ୍ତାନ୍ତର କରାଯାଇଛି ।
ଜଣେ ସନ୍ଦିଗ୍ଧ ଆତଙ୍କବାଦୀ ସେଓ ଟ୍ରକରେ ଲୁଚି ଦିଲ୍ଲୀ ଯାଉଥିବା ଅମ୍ବାଲା ପୋଲିସକୁ ଗୁଇନ୍ଦା ସୂଚନା ମିଳିଥିଲା । ସୂଚନା ଆଧାରରେ ଅମ୍ବାଲା ପୋଲିସ ତଦନ୍ତ ଚଳାଇଥିଲା ଏବଂ ଆତଙ୍କବାଦୀକୁ ଧରିବାରେ ସଫଳ ହୋଇଥିଲା । ବର୍ତ୍ତାମାନ ତଦନ୍ତ ଜାରି ରହିଥିବା ବେଳେ ଗିରଫ ଆତଙ୍କବାଦୀ ଜୈଶ-ଏ-ମହମ୍ମଦର ବୋଲି ଆଶଙ୍କା କରାଯାଉଛି । ସେପଟେ ଉଭୟ କେନ୍ଦ୍ର ଗୁଇନ୍ଦା ଏବଂ ଜମ୍ମୁ କଶ୍ମୀର ପୋଲିସ ଏହି ଆତଙ୍କବାଦୀ ଖୋଜୁଥିବା ଜଣାପଡିଛି ।
