ଲକ୍ଷ୍ନୌ: କରୋନା ଭାଇରସ କବଳରୁ ରକ୍ଷା ପାଇବା ପାଇଁ ସମସ୍ତ ବଜାର, ମଲ୍, ମନ୍ଦିର, ମସଜିଦ୍ ସହ ଜନଗହଳି ସ୍ଥାନ ବନ୍ଦ ରହୁଛି । ଏହି ପ୍ରରିପେକ୍ଷୀରେ ସରକାରଙ୍କ ଆଦେଶକୁ ନଜରରେ ରଖି ଉତ୍ତରପ୍ରଦେଶ ସ୍ଥିତ କୁଶୀନଗରର ସମସ୍ତ ପ୍ରମୁଖ ବୌଦ୍ଧ ମନ୍ଦିରକୁ ଗୁରୁବାର ବନ୍ଦ କରି ଦିଆଯାଇଛି ।
ସେହିପରି ଅନ୍ୟପଟେ ବାରଣାସୀର ସାରନାଥ ମନ୍ଦିରକୁ 2 ଦିନ ପୂର୍ବେ ବନ୍ଦ କରାଯାଇଛି । କ୍ଷେତ୍ରୀୟ ପର୍ଯ୍ୟଟନ ଅଧିକାରୀ ରବିନ୍ଦ୍ରଙ୍କ କହିବା ଅନୁଯାୟୀ, କରୋନା ଭାଇରସ୍ କାରଣରୁ ବିଦେଶୀ ପର୍ଯ୍ୟଟକଙ୍କୁ ଭିସା ନମିଳିବା ଓ କରୋନା କାରଣରୁ କୁଶୀ ନଗରର ପ୍ରମୁଖ ବୌଦ୍ଧ ମନ୍ଦିର ଗୁଡିକୁ ବନ୍ଦ କରାଯାଇଛି । ଜାପାନ, କୋରିୟା, ଚୀନ ଓ ଅନ୍ୟ ଦେଶ ଗୁଡିକର ବୋଦ୍ଧ ପର୍ଯ୍ୟଟକ ମାନେ ଏଠାକୁ ଆସିଥାନ୍ତି ।
ତେବେ ଲକ୍ଷ୍ନୌ ସରକାର ବୁଧବାର ରାଜଧାନୀର ସମସ୍ତ ସ୍ପା ଓ ମସାଜ୍ ପାର୍ଲର ବନ୍ଦ କରିବାକୁ ନିର୍ଦ୍ଦେଶ ଜାରି କରିଛନ୍ତି । ଏହାସହ ପାର୍କ ଓ ଅଭୟାରଣ୍ୟ ମଧ୍ୟ ବନ୍ଦ କରି ଦିଆଯାଇଛି ।
@IANS
