ଜର୍ମାନ୍: କୋଭିଡ୍-19ର ମହା ପ୍ରଳୟ ସମଗ୍ର ବିଶ୍ଵର ସାମାଜିକ ଓ ଆର୍ଥିକ ଜନଜୀବନ ଏଵଂ ମାନଦଣ୍ଡକୁ ଦୋହଲାଇ ଦେଇଛି । ମୃତ୍ୟୁର ବିଭିଷିକା ଏତେ ଭୟଙ୍କର ଯେ, କେହି ଏଥିରୁ ନିସ୍ତାର ପାଉ ନାହାନ୍ତି । ସାଧାରଣ ପ୍ରଜା ଠୁ ରାଜା ପର୍ଯ୍ଯନ୍ତ ସମସ୍ତେ ତ୍ରାହି ତ୍ରାହି ଡାକୁଛନ୍ତି । ତେବେ ଥାଇଲାଣ୍ଡର ରାଜାଙ୍କ ସେଲ୍ଫ-ଆଇସୋଲେସନ୍ ଖବର ଆଜି ପ୍ରମୁଖ ଖବର ପାଲଟିଥିଵା ଵେଳେ ତାଙ୍କ ସହିତ 20ଜଣ ମହିଳା ସହଯୋଗୀ ରହିଵା ଘଟଣା ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି।
ତେଵେ ରାଜା ମହାଵାଜିରାଲୋଂକର୍ଣ ନିଜ ଜନ୍ମମାଟି ତଥା ଶାସନକ୍ଷେତ୍ର ଛାଡି ସୁଦୂର ଜର୍ମାନରେ ଥିବା ସବୁ ସମ୍ଭ୍ରାନ୍ତ ହୋଟେଲ୍ ଗୁଡିକୁ ବୁକ୍ କରିଛନ୍ତି । ନୋବେଲ୍ କୋରୋନା ଭାଇରସ୍ ପାଇଁ ସମଗ୍ର ବିଶ୍ଵରେ ଏବେ ଲକ୍-ଡାଉନ୍ ଭଳି ପରିସ୍ଥିତି ସୃଷ୍ଟି ହୋଇଛି । ତେବେ ଏଭଳି ଘଡିସନ୍ଧି ମୂହୁର୍ତ୍ତରେ ମହାରାଜ ୨୦ ସହଯୋଗୀ ମହିଳାଙ୍କୁ ସାଥିରେ ରଖି ଆଇସୋଲେସନ୍ କୁ ଯିବା ଉଭୟ ଥାଇଲାଣ୍ଡ ଓ ଜର୍ମାନରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।
ତେବେ ଥାଇଲାଣ୍ଡରେ ଏହି ଖଵର ଭାଇରାଲ୍(ଚର୍ଚ୍ଚା)ହେବା ପରେ ଜନସାଧାରଣଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । କୌଣସି ଦେଶରେ ଏଭଳି ମହାମାରୀ ସମୟରେ ନିଜେ ଶାସନକର୍ତ୍ତା ଦେଶ ଛାଡି ଅନ୍ୟତ୍ର ରହିବାକୁ-ସହଜରେ ଗ୍ରହଣ କରୁନାହାନ୍ତି ସାଧାରଣ ନାଗରିକ । ଆଜି ସେଠାକାର ସୋସିଆଲ୍ ସାଇଡ୍ ଗୁଡିକରେ ଏହାର ପ୍ରତିଫଳନ ଦେଖିବାକୁ ମିଳିଛି । 'ଆମକୁ କାହିଁକି ରାଜା ଦରକାର ?' ଲୋକମାନେ ଟୁଇଟ୍ କରି ନିଜର କ୍ଷୋଭ ବ୍ୟକ୍ତ କରିଛନ୍ତି । ଏଠାରେ ସୂଚନାଯୋଗ୍ୟ ଯେ, ମହାରାଜାଙ୍କ ୪ଜଣ ମହାରାଣୀ ବି ରହିଛନ୍ତି ।
