ନୂଆଦିଲ୍ଲୀ: ବିଦେଶୀ ମୁଦ୍ରା ନେଇ ବ୍ୟାଙ୍କକ ଫେରାର ହେଉଥିଲେ 3 ଭାରତୀୟ । ମାତ୍ର ଏହି ଯୋଜନାକୁ ପଣ୍ଡ କରିଦେଇଛି ସୀମା ଶୁଳ୍କ (କଷ୍ଟମ ବିଭାଗ ) । ଜବତ ବିଦେଶୀ ମୁଦ୍ରାର ମୂଲ୍ୟ 2 କୋଟି 30 ଲକ୍ଷ ଟଙ୍କା ହୋଇଥିବା ଜଣା ପଡିଛି । ଇନ୍ଦିରା ଗାନ୍ଧୀ ଆନ୍ତର୍ଜାତୀୟ (IGI) ବିମାନ ବନ୍ଦରରେ ସୀମା ଶୁଳ୍କ ଅଧିକାରୀ (କଷ୍ଟମ ଅଫିସିଆଲ) ଏ ସମ୍ପର୍କରେ ଖବର ପାଇ ପ୍ରଥମେ ଚଢାଉ କରିଥିଲେ ।
ଅଭିଯୁକ୍ତଙ୍କ ଠାରୁ ବିଦେଶୀ ମୁଦ୍ରା ଜବତ କରିବା ସହ ସେମାନଙ୍କୁ ଅଟକ ରଖି ପଚରା ଉଚରା କରୁଛି କଷ୍ଟମ ବିଭାଗ । ପରେ ଅଭିଯୁକ୍ତଙ୍କୁ ଗିରଫ କରିବା ସହ ଘଟଣାର ଅଧିକ ତଦନ୍ତ ଜାରି ରହିଛି ।
ପ୍ରକାଶ ଥାଉକି, ଦିଲ୍ଲୀର IGI ବିମାନ ବନ୍ଦରରୁ ବ୍ୟାଙ୍କକ ଅଭିମୁଖେ ଯାତ୍ରା କରୁଥିଲେ 3 ଭାରତୀୟ ।
