ଚେନ୍ନାଇ : ଏଆଇଏଡିଏମକେର ଆଉ ଜଣେ ନେତା କୋରୋନା ସଂକ୍ରମିତ । ପୂର୍ବତନ ମନ୍ତ୍ରୀ ତଥା ଏଆଇଏଡିଏମକେର ବରିଷ୍ଠ ନେତ୍ରୀ ବି ଭାଲାରମଥୀ ସୋମବାର କୋରୋନା ଭାଇରସ୍ରେ ଆକ୍ରାନ୍ତ ହୋଇଛନ୍ତି । ଚିକିତ୍ସା ପାଇଁ ତାଙ୍କୁ ଚେନ୍ନାଇର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିବା ଜଣେ ଅଧିକାରୀ କହିଛନ୍ତି।
ଭାଲାରମଥୀ ତାମିଲନାଡୁ ପାଠ୍ୟ ପୁସ୍ତକ ଏବଂ ଶିକ୍ଷା ସେବା ନିଗମର ଚେୟାରମ୍ୟାନ୍ ତଥା ଏଆଇଏଡିଏମକେର ସାହିତ୍ୟ ୱିଙ୍ଗର ସଚିବ ଅଟନ୍ତି । ତେବେ ତାଙ୍କ ସ୍ବାସ୍ଥ୍ୟ ଅବସ୍ଥା ବର୍ତ୍ତମାନ ସ୍ଥିର ରହିଥିବା ଜଣେ ଅଧିକାରୀ ସୂଚନା ଦେଇଛନ୍ତି ।
ଭାଲାରମଥୀ ଏଆଇଏଡିଏମକେର ଷଷ୍ଠ ନେତା ଯିଏ କୋରୋନା ଭାଇରସରେ ସଂକ୍ରମିତ ହୋଇଛନ୍ତି । ତେବେ ଏହାପୂର୍ବରୁ ଉଚ୍ଚଶିକ୍ଷା ମନ୍ତ୍ରୀ କେପି ଆନବାଲାଗାନଙ୍କ ସମେତ 5 ଜଣ କୋରୋନାରେ ଆକ୍ରାନ୍ତ ହୋଇଥିଲେ । ସେମାନେ ହେଲେ କେ ପାଲାନି , ଅମ୍ମାନ କେ ଅର୍ଜୁନନ୍ , ଏନ ସାଥନ୍ ପ୍ରଭାକର ଏବଂ କୁମାରାଗୁରୁ ।
ଅନ୍ୟପକ୍ଷରେ ଡିଏମକେର 4 ଜଣ ନେତା ମଧ୍ୟ କୋରୋନାରେ ଆକ୍ରାନ୍ତ ହୋଇଛନ୍ତି ।
