ସିମଲା: ହିମାଚଳପ୍ରଦେଶରେ ଚାଲିଥିବା ଶ୍ରୀଖଣ୍ଡ ଯାତ୍ରା ବନ୍ଦ ହୋଇସାରିଛି । ହେଲେ ଅନେକ ଶ୍ରଦ୍ଧାଳୁ ଏହାକୁ ଖାତିର ନକରି ଶ୍ରୀଖଣ୍ଡ ମହାଦେବଙ୍କୁ ଦର୍ଶନ କରିବା ପାଇଁ ଏହି ଯାତ୍ରା କରୁଛନ୍ତି । ତେବେ ନିରମଣ୍ଡ କ୍ଷେତ୍ର ଅନ୍ତର୍ଗତ ଶ୍ରୀଖଣ୍ଡ ଯାତ୍ରା ମାର୍ଗରେ ଏକ ଯାତ୍ରୀଙ୍କର ମୃତ୍ୟୁ ହୋଇଯାଇଛି ।
ସୂଚନାମୁତାବକ, ମୃତ ଯୁବକ ହେଲେ ଅଭିଷେକ ଭରଦ୍ବାଜ । ଅଭିଷେକ ଠିୟୋଗ ଜିଲ୍ଲାର ଟିୟାଲି ଅଞ୍ଚଳର ହୋଇଥିବାବେଳେ ସେ ତାଙ୍କ ସାଙ୍ଗ ମାନଙ୍କ ସହ ଶ୍ରୀଖଣ୍ଡ ଯାତ୍ରାରେ ଯାଇଥିଲେ ।
ଯୁବକ ଜଣଙ୍କର ବୁଧବାର ସକାଳୁ ଥାଚୁଡ ନିକଟରେ ହଠାତ ଅଭିଷେକଙ୍କର ସ୍ବାସ୍ଥ୍ୟାବସ୍ଥା ଖରାପ ହୋଇଯାଇଥିଲା । ପରେ ତାଙ୍କର ମୃତ୍ୟୁ ହୋଇଥିଲା । ଘଟଣାର ଖବରପାଇ ସ୍ଥାନୀୟ ପୋଲିସ ପରିବାର ଲୋକଙ୍କୁ ସୂଚନା ଦେଇଥିଲେ । ଘଟଣାର ତଦନ୍ତ କରିବା ସହ ଯୁବକଙ୍କ ମୃତଦେହକୁ ଆଣିବା ପାଇଁ ନିରମଣ୍ଡ ଅଭିମୁଖେ ବାହାରିଛି ପୋଲିସ ।
