ଲକ୍ଷ୍ନୌ: ଉତ୍ତରପ୍ରଦେଶର ହାଥରସ ଗଣଦୁଷ୍କର୍ମ ଘଟଣାକୁ ନେଇ ସାରା ଦେଶରେ ଆକ୍ରୋଶର ସ୍ଥିତି ରହିଥିବା ବେଳେ ବଳରାମପୁର ଜିଲ୍ଲାରୁ ଆଉ ଏକ ଦୁଷ୍କର୍ମ ଘଟଣା ସାମ୍ନାକୁ ଆସିଛି । କଲେଜରେ ଆଡମିଶନ ପାଇଁ ଯାଇଥିବା ଜଣେ ଯୁବତୀଙ୍କ ସହ ଗଣଦୁଷ୍କର୍ମ ନେଇ ଅଭିଯୋଗ ହୋଇଛି ।
ବଳରାମପୁର ଜିଲ୍ଲାର କୋତାବାଲି ତହସିଲ ଅନ୍ତର୍ଗତ ଗୌସେଡି ଗାଁରେ ଜଣେ କଲେଜ ଛାତ୍ରୀଙ୍କ ସହ ଦୁଷ୍କର୍ମ ହୋଇଥିବା ଜଣାପଡିଛି । ଜିଲ୍ଲାର ରିମୋର୍ଟ ଅଞ୍ଚଳରେ ଛାତ୍ରୀ ଜଣଙ୍କ କଲେଜକୁ ଆଡମିଶନ ପାଇଁ ଯାଇଥିଲେ । ଏହି ସମୟରେ ତାଙ୍କର ଅପହରଣ ହୋଇଥିବା ବେଳେ ଦୁଷ୍କର୍ମ କରାଯାଇଥିଲା ।
ଛାତ୍ରୀ ଜଣଙ୍କ ସଂଧ୍ୟାରେ ଘରେ ପହଞ୍ଚିଥିବା ବେଳକୁ ସେ ଗୁରୁତର ଥିଲେ । ତେବେ ତାଙ୍କୁ ପରିବାର ହସ୍ପିଟାଲରେ ଭର୍ତ୍ତି କରିଥିଲେ ସୁଦ୍ଧା ହସିଟାଲ କର୍ତ୍ତୃପକ୍ଷ ପିଡିତାଙ୍କୁ ଅନ୍ୟଏକ ହସ୍ପିଟାଲକୁ ସ୍ଥାନାନ୍ତର କରିଛନ୍ତି । ତେବେ ରାସ୍ତାରେ ଛାତ୍ରୀ ଜଣଙ୍କ ମୃତ୍ୟୁ ହୋଇଯାଇଥିବା ସୂଚନା ମିଳିଛି ।
