ନୂଆଦିଲ୍ଲୀ: ଦେଶରେ କୋରୋନା ମାମଲା ଦ୍ରୁତ ଗତିରେ ବୃଦ୍ଧି ପାଉଛି । ଏହା ମଧ୍ୟରେ ଗୁରୁବାର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ, ଦେଶରେ କୋରୋନା କାରଣରୁ ମୃତ୍ୟୁବରଣ ଘଟିଥିବା 85 ପ୍ରତିଶତ ଲୋକଙ୍କ ବୟସ 45 ବର୍ଷରୁ ବୟସରୁ ଅଧିକ।
ଏପଟେ ଦେଶରେ 53% କୋରୋନା ମୃତ୍ୟୁ 60 ବର୍ଷ ବୟସରୁ ଅଧିକ ଲୋକଙ୍କର ହୋଇଥିବା ବେଳେ ଦେଶର ମୋଟ ଜନସଂଖ୍ୟାରେ ମାତ୍ର 10 ପ୍ରତିଶତ 60 ବର୍ଷ ବୟସରୁ ଅଧିକ ବୟସ ଲୋକ ଅଛନ୍ତି ।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଓଏସଡି ରାଜେଶ ଭୂଷଣ ଏକ ଗଣମାଧ୍ୟମରେ ସୂଚନା ଦେଇ କହିଛନ୍ତି, ଗୁରୁତ୍ୱପୂର୍ଣ୍ଣ କଥା ଏହା ଯେ ଦେଶର 25 ପ୍ରତିଶତ ଜନସଂଖ୍ୟା 45 ବର୍ଷ କିମ୍ବା ଏହାଠାରୁ ଅଧିକ ବର୍ଷ ବୟସର ଅଛନ୍ତି । ତେବେ କୋରୋନାରେ 85% ମୃତ୍ୟୁ ଏହି ବୟସ ଶ୍ରେଣୀରେ ଘଟିଛି। ଏହି ହାଇ ରିସ୍କ ଏଜ ଗ୍ରୁପ ଉପରେ କେନ୍ଦ୍ର ଏବଂ ରାଜ୍ୟ ସରକାର ବିଶେଷ ଧ୍ୟାନ ଦେବା ଆବଶ୍ୟକତା ରହିଛି ।
60ରୁ 74 ବର୍ଷ ବୟସର ଲୋକମାନେ ଦେଶ ଜନସଂଖ୍ୟାର 8% ଅଂଶ ଅଚନ୍ତି । ତେବେ କୋରୋନା ସହ ଜଡିତ 39% ମୃତ୍ୟୁ ଏହି ବୟସରେ ଘଟିଛି । 75 ବର୍ଷରୁ ଅଧିକ ବୟସ କୋରୋନା ମୃତ୍ୟୁହାର 14 ପ୍ରତିଶତ ଅଟେ । ତେବେ ଦେଶର ମୋଟ ଜନସଂଖ୍ୟାରେ ଏହି ବୟସର ଲୋକ ମାତ୍ର 2 ପ୍ରତିଶତ ଅଛନ୍ତି । ହୋଇଥିବାବେଳେ ସେମାନଙ୍କ ଅଂଶ ଦେଶର ମୋଟ ଜନସଂଖ୍ୟାର 2 ପ୍ରତିଶତ ଅଟେ
ଏଥିସହ ଭୂଷଣଙ୍କ ଅନୁଯାୟୀ, ଦେଶର ମୋଟ ଜନସଂଖ୍ୟାରେ 14 ବର୍ଷରୁ କମ୍ ବୟସ ବର୍ଗର ଜନସଂଖ୍ୟାର ପ୍ରାୟ 35% ଅଟେ। ଏହି ବୟସର କୋରୋନା ମୃତ୍ୟୁହାର 1 ପ୍ରତିଶତ ଅଟେ । ସେହିପରି
ମୋଟ ଜନସଂଖ୍ୟାରେ 15–29 ବର୍ଷ ବୟସରେ ଜନସଂଖ୍ୟାର 18 ପ୍ରତିଶତ ଅଟେ । ଏହି ବୟସର କୋରୋନା ମୃତ୍ୟୁହାର 3 ପ୍ରତିଶତ ଅଟେ । ଏହାଛଡା କରୋନା ଦେଶର ମୋଟ ଜନସଂଖ୍ୟାର 22 ପ୍ରତିଶତ 30 ରୁ 44 ବର୍ଷ ବୟସ ଅଟନ୍ତି । ଏହି ବୟସର କୋରୋନା ମୃତ୍ୟୁହାର 11 ପ୍ରତିଶତ ଅଟେ । କୋରୋନା ଆକ୍ଟିଭ ମାମଲା ତୁଳନାରେ କୋରୋନା ସୁସ୍ଥ ହାର 1.75 ପ୍ରତିଶତ ଅଧିକ ଅଟେ ।
