ରାୟପୁର: ଛତିଶଗଡର ବଳରାମପୁରରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏକ ବରଯାତ୍ରୀ ଗାଡି ଓଲଟି 8 ଜଣଙ୍କର ମୃତ୍ୟୁ ଘଟିଥିବାବେଳେ 15 ଜଣ ଆହତ ହୋଇଥିବା ସୂଚନା ମିଳିଛି । ମୃତକଙ୍କ ମଧ୍ୟରେ 4 ଜଣ ଶିଶୁ ଏବଂ ମହିଳା ସାମିଲ ଅଛନ୍ତି । ଆହତଙ୍କୁ ଶଙ୍କରଗଡ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ଜଣାପଡିଛି ।
ସୂଚନା ମୁତାବକ, ବଳରାମପୁରର ଧାରା ନଗର ନିକଟରେ ଏକ ବରଯାତ୍ରୀ ପିକଅପ ଭ୍ୟାନ ଅନିୟନ୍ତ୍ରିତ ହୋଇ ଓଲଟିପଡିଥିଲା । ଏଥିରେ ଶିଶୁ ଏବଂ ମହିଳାଙ୍କ ସମେତ 40 ଜଣ ଯାତ୍ରୀ ଥିଲେ । ତେବେ ରାସ୍ତା ଖରାପ ଥିବା କାରଣରୁ ଭ୍ୟାନଟି ଓଲଟି ପଡିଥିବା ପୋଲିସ ପକ୍ଷରୁ ଜଣାପଡିଛି । ସେପଟେ ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲା ।
