ମାଙ୍ଗାଲୁରୁ: ଏୟାର ଇଣ୍ଟେଲିଜେନ୍ସ ୟୁନିଟ୍ ମାଙ୍ଗାଲୁରୁ ଅନ୍ତର୍ଜାତୀୟ ବିମାନ ବନ୍ଦରରେ 6ଟି ସୁନା ବିସ୍କୁଟକୁ ଜବତ କରିଛି । ଏହି ସୁନା ବିସ୍କୁଟଗୁଡିକ ଦୁବାଇରୁ ହାଇଦ୍ରାବାଦକୁ ଚାଲାଣ ହେଉଥିବା ସମୟରେ ମାଙ୍ଗାଲୁରୁରେ ଜବତ ହୋଇଥିବାର ଜଣାପଡିଛି ।
ଏହି ସୁନା ବିସ୍କୁଟର ମୂଲ୍ୟ ପ୍ରାୟ 33ଲକ୍ଷ 80ହଜାର ଟଙ୍କା ହେବ ବୋଲି ଅନୁମାନ କରିଛି ଏୟାର ଇଣ୍ଟେଲିଜେନ୍ସ ୟୁନିଟ୍ । ତେବେ ଏହି ବିମାନଟି ଦୁବାଇରୁ ମାଙ୍ଗାଲୋର ବିମାନ ବନ୍ଦର ଦେଇ ହାଇଦ୍ରାବାଦକୁ ଉଡାଣ ଭରୁଥିଲା । ଏହି ଏୟାର ଲାଇନଟି ଦୁବାଇରୁ ମାଙ୍ଗାଲୋରକୁ ଅନ୍ତର୍ଜାତୀୟ ବିମାନ ଯୋଗେ ଆସିଥାଏ ଏବଂ ମାଙ୍ଗାଲୁରୁରୁ ଘରୋଇ ବିମାନ ଯୋଗେ ହାଇଦ୍ରାବାଦକୁ ଯାତ୍ରା କରିଥାଏ ।
ତେବେ ବିମାନଯାତ୍ରୀ ବିମାନର ସିଟ୍ ତଳେ ସୁନା ବିସ୍କୁଟ ଲୁଚାଇବାକୁ ଚେଷ୍ଟା କରିଥାନ୍ତି ବୋଲି କଷ୍ଟମ୍ସ ଅଧିକାରୀମାନେ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
