ଚଣ୍ଡୀଗଡ: 50 କିଲୋଗ୍ରାମ ହେରୋଇନ ଜବତ କଲେ ବିଏସଏଫ । ପାକିସ୍ତାନରୁ ଭାରତୀୟ ପାର୍ଶ୍ୱ ପର୍ଯ୍ୟନ୍ତ ରବି ନଦୀରେ ଭାସୁଥିବା 50 କିଲୋଗ୍ରାମ ହେରୋଇନ ଜବତ କରିଛି ବିଏସଏଫ ।
ସୂଚନା ଅନୁଯାୟୀ, ଶନିବାର ବିଳମ୍ବତ ରାତି ପ୍ରାୟ 2.45 ସମୟରେ ନାଙ୍ଗଲି ଘାଟରେ ନାକା ପାର୍ଟା ବୋଟ ପାକିସ୍ତାନରୁ ଭାରତୀୟ ପାର୍ଶ୍ୱ ପର୍ଯ୍ୟନ୍ତ ରବି ନଦୀରେ କିଛି ପ୍ୟାକେଟ୍ ଭାସୁଥିବାର ଦେଖିବାକୁ ପାଇଥିଲେ । ଏହାପରେ ଖବର ପାଇ ବିଏସଏଫ ଯବାନ ମାନେ ପ୍ୟାକେଟ ଗୁଡିକୁ ପାଣିରୁ ଜବତ କରିଥିଲେ ।
ପ୍ୟାକେଟ ଗୁଡିକୁ ଖୋଲିବା ପରେ ସେଥିରେ ହେରୋଇନ ଥିବା ଜଣାପଡିଥିଲା । ତେବେ ଜବତ ହେରୋଇନର ମୂଲ୍ୟ 250 କୋଟି ହେବ ବୋଲି ଆଶଙ୍କା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
