ନୂଆଦିଲ୍ଲୀ: ଦିଲ୍ଲୀର ୭୦ ବିଧାନସଭା ଆସନ ପାଇଁ ଜାରି ରହିଛି ମତଦାନ ପ୍ରକ୍ରିୟା । ବିଧାନସଭା ନିର୍ବାଚନକୁ ନେଇ ଭୋଟଙ୍କ ମଧ୍ୟରେ ଖୁବ ଉତ୍ସାହ ଦେଖିବାକୁ ମିଳିଛି । ଖାସକରି ଯୁବପୀଢିଙ୍କ ମଧ୍ୟରେ । ମଧ୍ୟାହ୍ନ 12ଟା ସୁଦ୍ଧା 15.68 ପ୍ରତିଶତ ମତଦାନ ହୋଇଥିବା ଭାରତୀୟ ନିର୍ବାଚନ କମିସନଙ୍କ ପକ୍ଷରୁ ଜଣାଇ ଦିଆଯାଇଛି ।
ସେପଟେ ଦୀର୍ଘଦିନରୁ ନାଗରିକତା ସଂଶୋଧନ ଆଇନ୍କୁ ନେଇ ଦିଲ୍ଲୀର ଶାହୀନବାଗ୍ରେ ପ୍ରଦର୍ଶନ କରୁଥିବା ପ୍ରଦର୍ଶନକାରୀ ମଧ୍ୟ ନିଜ ମତାଧିକାର ସାବ୍ୟସ୍ତ କରିବାକୁ ଖୁବ ଉତ୍ସାହିତ ଅଛନ୍ତି । ଶାହୀନବାଗ୍ର ବିଭିନ୍ନ ପୋଲିଂ ବୁଥରେ ଭୋଟରଙ୍କ ଲମ୍ବା ଧାଡି ଦେଖିବାକୁ ମିଳିଛି । ଶାହିନ୍ ପବ୍ଲିକ ସ୍କୁଲ ବୁଥରେ ପ୍ରାୟ ଅଧା କିମି ପର୍ଯ୍ୟନ୍ତ ଧାଡି ବାନ୍ଧିଛନ୍ତି ମତଦାତା ।
ଦିଲ୍ଲୀର 70 ବିଧାନସଭା ଆସନ ପାଇଁ 13750 ମତଦାନ କେନ୍ଦ୍ର ଗଠନ ହୋଇଛି । 1,47,86,382 ଭୋଟର ଆଜି 672 ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ।
