ନୂଆଦିଲ୍ଲୀ: ପୁଣି ମହାମାରୀ କୋରୋନାର ଶିକାର ହେଲେ କୋରୋନା ଯୋଦ୍ଧା । ଏକା ସାଙ୍ଗେ 5 ଜଣ ଡାକ୍ତର କୋରୋନା ସଂକ୍ରମିତ ହୋଇଛନ୍ତି । ସମସ୍ତ ଡାକ୍ତର ଜମ୍ମୁ-କାଶ୍ମୀରର । ବର୍ତ୍ତମାନ ଏହି କେନ୍ଦ୍ରଶାସିତ ଅଞ୍ଚଳରେ ସଂକ୍ରମିତ ସଂଖ୍ୟା 1199ରେ ପହଞ୍ଚିଛି ।
କୋରୋନା ପଜିଟିଭି ମହିଳାଙ୍କ ମୃତ୍ୟୁପରେ ଆସି ଏହି ସମସ୍ତ ଡାକ୍ତର ସଂକ୍ରମିତ ହୋଇଥିବା ଜଣାପଡିଛି । ଏହି ସଂକ୍ରମିତ ଡାକ୍ତରଙ୍କ ମଧ୍ୟରୁ ତିନି ଜଣ ଏସଏମଏଚଏସ ହସ୍ପିଟାଲର ହୋଇଥିବାବେଳେ ଏସକେଆଇଆଇଏମଏସ-ଜେଭିସି ରୁ ଜଣେ ଅନ୍ୟ ଜଣେ ସରକାରୀ ଡେଣ୍ଟାଲ ହସ୍ପିଟାଲର । ଏହି ସମସ୍ତ ହସ୍ପିଟାଲ ଶ୍ରୀନଗରରେ ରହିଛି ।
ଏହି ଭାଇରସ୍ ବିରୋଧରେ ଯୁଦ୍ଧର ନେତୃତ୍ୱ ନେଉଥିବା ଡାକ୍ତର ଏବଂ ସ୍ୱାସ୍ଥ୍ୟ କର୍ମଚାରୀମାନେ COVID-19ର ଶିକାର ହେବା ଏବେ ଦେଶରେ ଚିନ୍ତା ବଢାଇଛି । ତେବେ ଦେଶରେ ଏବେ ଲକ୍ଷେ ପାଖାପାଖି ଛୁଇଁଲାଣି ସଂକ୍ରମିତ ମାମଲା ।
