ହାଇଦ୍ରାବାଦ: ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ 150 ରୁ ଅଧିକ କୋରୋନା ଟିକା ବର୍ତ୍ତମାନ ବିଶ୍ବରେ ଅନୁସନ୍ଧାନ କରାଯାଇ ପରୀକ୍ଷା କରାଯାଉଛି। ସେଥିମଧ୍ୟରୁ 44 ଟି ଟିକା କ୍ଲିନିକାଲ ଟ୍ରାଏଲ୍ ପର୍ଯ୍ୟାୟରେ ଥିବାବେଳେ 11 ଟି ଟିକା ବହୁ ପରିମାଣରେ ପରୀକ୍ଷା କରାଯାଉଛି। କେବଳ ଗତ ଦୁଇ ସପ୍ତାହ ମଧ୍ୟରେ ଫାଇଜର ଏବଂ ମୋଡର୍ନା ଦାବି କରିଛନ୍ତି ଯେ ସେମାନଙ୍କର ସମ୍ପୃକ୍ତ କୋରୋନା ଟିକା 90 ପ୍ରତିଶତରୁ ଅଧିକ ପ୍ରଭାବଶାଳୀ ଅଟେ। ଏଥିସହ ଋଷର ସ୍ପୁଟନିକ୍ ଟିକା ତୃତୀୟ ପର୍ଯ୍ୟାୟରେ 92 ପ୍ରତିଶତ ପ୍ରଭାବଶାଳୀ ବୋଲି ଦାବି କରାଯାଇଛି।
ମଡର୍ନା-
ଆମେରିକାର ଫାର୍ମାସ୍ୟୁଟିକାଲ୍ କମ୍ପାନୀ ଦାବି କରିଛି ଯେ ଏହି କୋରୋନା ଟିକା 94.5 ପ୍ରତିଶତ ପ୍ରଭାବଶାଳୀ ଅଟେ। ଟିକାର ତୃତୀୟ ପର୍ଯ୍ୟାୟରେ ବର୍ତ୍ତମାନ ପରୀକ୍ଷା କରାଯାଉଛି । ଏହି ଟିକା ବର୍ତ୍ତମାନ 30,000 ସ୍ବେଚ୍ଛାସେବୀଙ୍କ ଉପରେ ପରୀକ୍ଷା କରାଯାଉଛି। ଏହି ସମସ୍ତ ଟିକାର କୌଣସି ପ୍ରମୁଖ ପାର୍ଶ୍ୱ ପ୍ରତିକ୍ରିୟା ମିଳିଲା ନାହିଁ । ତେବେ କମ୍ପାନୀ ସ୍ପଷ୍ଟ କରିଛି ଯେ ଇଞ୍ଜେକ୍ସନ ନେବା ବେଳେ କିଛି ଲୋକ ଶରୀର ଯନ୍ତ୍ରଣା ଭଳି ପାର୍ଶ୍ୱ ପ୍ରତିକ୍ରିୟା ପାଇଛନ୍ତି।
ଫାଇଜର-
ଫାଇଜର ବର୍ତ୍ତମାନ କୋରୋନା ଟିକା ପ୍ରସ୍ତୁତର ଦୌଡରେ ଆଗେଇ ଆସିଛି । ବହୁ ସଂଖ୍ୟକ ପରୀକ୍ଷଣର ପ୍ରାଥମିକ ତଥ୍ୟ ପ୍ରକାଶ କରିବାରେ ଏହା ପ୍ରଥମ କମ୍ପାନୀ ହୋଇପାରିଛି । ଯଦିଓ କମ୍ପାନୀ ଦାବି କରିଛି ଯେ ଏହାର କୋରୋନା ଟିକା 90 ପ୍ରତିଶତ ପ୍ରଭାବଶାଳୀ ତଥାପି ଏହି ଟିକା ଗ୍ରହଣ କରିଥିବା ସ୍ବେଚ୍ଛାସେବୀମାନେ ହ୍ୟାଙ୍ଗଓଭର, ଜ୍ୱର ଏବଂ ଶରୀରରେ ଯନ୍ତ୍ରଣା ଭଳି ଗୁରୁତ୍ବପୂର୍ଣ୍ଣ ପାର୍ଶ୍ୱ ପ୍ରତିକ୍ରିୟା ଅନୁଭବ କରିଛନ୍ତି।
ସ୍ପୁଟନିକ୍ - ।।
ଋଷର ଗାମେଲିଆ ନ୍ୟାସନାଲ ରିସର୍ଚ୍ଚ ଇନଷ୍ଟିଚ୍ୟୁଟ୍ ଦ୍ୱାରା ବିକଶିତ ହୋଇଥିବା ସ୍ପୁଟନିକ୍-5 ହେଉଛି ବିଶ୍ୱର ପ୍ରଥମ ରେଜିଷ୍ଟ୍ରର ଟିକା । କିଛି ଦିନ ପୂର୍ବରୁ ଋଷର ଅଧିକାରୀମାନେ କହିଥିଲେ ଯେ ଏହି ଟିକା 92 ପ୍ରତିଶତ ପ୍ରଭାବଶାଳୀ ଅଟେ। ତୃତୀୟ ପର୍ଯ୍ୟାୟ ପରୀକ୍ଷା ଶେଷ ହେବା ପୂର୍ବରୁ ମଧ୍ୟ ଟିକାକୁ ମଞ୍ଜୁରୀ ଦେଇଥିବାରୁ ଋଷ ସମଗ୍ର ବିଶ୍ୱରେ ସମାଲୋଚିତ ହୋଇଥିଲା। ତେବେ ପରୀକ୍ଷଣର ତୃତୀୟ ପର୍ଯ୍ୟାୟ ବିଷୟରେ କର୍ତ୍ତୃପକ୍ଷ ରିପୋର୍ଟ ଦାଖଲ କରିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
