ପାଟନା: ବିହାରରେ ମର୍ମନ୍ତୁଦ ସଡକ ଦୁର୍ଘଟଣାରେ 4 ଜଣଙ୍କ ମୃତ୍ୟୁ । 12 ଜଣ ଯାତ୍ରୀ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଛି । ବର୍ତ୍ତମାନ ପୋଲିସ ଦୁର୍ଘଟଣାର ଯାଞ୍ଚ କରୁଛି ।
ସୂଚନା ଅନୁସାରେ ବିହାରର ରୋହତାସ ଜିଲ୍ଲାର ଶିବସାଗର ଥାନା ଅଞ୍ଚଳରେ ଯାତ୍ରୀମାନଙ୍କୁ ନେଇ ଏକ ବସ ଭଭୁଆରୁ ସାସାରାମ ଆଡକୁ ଆସୁଥିଲା । ଶିବ ସାଗର ଥାନା ଅନ୍ତର୍ଗତ ଥିବା ଟୋଲ ପ୍ଲାଜା ନିକଟରେ ଟ୍ରାଫିକ ଜାମ ହେବାରୁ ଗାଡି ଚାଳକ ଭୁଲ ରାସ୍ତାରେ ନେବା ଫଳରେ ସାମନାପଟୁ ଆସୁଥିବା ଏକ କମଳା ବୋଝେଇ ଟ୍ରକ ସହିତ ଧକ୍କା ହୋଇଥିଲା । ବସ ଓଲଟିଯିବା ସହ ଘଟଣାସ୍ଥଳରେ ହିଁ 4 ଜଣଙ୍କ ମୃ୍ତ୍ୟୁ ହୋଇଛି । ଆହତଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
