ନୂଆଦିଲ୍ଲୀ: ଦେଶରେ ଗତ 24 ଘଣ୍ଟା ମଧ୍ୟରେ ରେକର୍ଡ 13,586 କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏହା ସହ 336 କୋରୋନା ମୃତ୍ୟୁ ରେକର୍ଡ କରାଯାଇଛି । ଫଳରେ ମୋଟ କୋରୋନା ପଜିଟିଭ ସଂଖ୍ୟା 3 ଲକ୍ଷ 80ହଜାର 5ଶହ 32ରେ ପହଞ୍ଚିଥିବା ବେଳେ ମୃତ୍ୟୁ ସଂଖ୍ୟା 12ହଜାର 5ଶହ 73କୁ ବୃଦ୍ଧି ପାଇଛି ।
ମୋଟ 2ଲକ୍ଷ 4ହଜାର 7ଶହ 11 ଜଣ ଡିସଚାର୍ଜ ହୋଇଥିବା ବେଳେ 1ଲକ୍ଷ 63ହଜାର 2ଶହ 48ଟି ସକ୍ରିୟ ମାମଲା ରହିଛି । ଏନେଇ ଶୁକ୍ରବାର କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ମହାରାଷ୍ଟ୍ରରେ ସର୍ବାଧିକ 53915 ସକ୍ରିୟ ମାମଲା ରହିଥିବା ବେଳେ ଗୁଜୁରାଟରେ 6191, ଦିଲ୍ଲୀରେ 26669, ତାମିଲନାଡୁରେ 23068, ରାଜସ୍ଥାନରେ 2792, ମଧ୍ୟପ୍ରଦେଶରେ 2308, ଉତ୍ତରପ୍ରଦେଶରେ 5477, ଆନ୍ଧ୍ରପ୍ରଦେଶରେ 3637, ତେଲେଙ୍ଗାନା 2531, କର୍ଣ୍ଣାଟକରେ 2847, କେରଳରେ 1358 ଓ ଓଡିଶାରେ 1357 ରହିଛି ।
ସେହିପରି ମହାରାଷ୍ଟ୍ରରେ ସର୍ବାଧିକ ଲୋକଙ୍କ ମୃତ୍ୟୁ ଘଟିଥିବା ଜଣାପଡିଛି । ମହାରାଷ୍ଟ୍ରରେ 5751 ଜଣଙ୍କ ମୃତ୍ୟୁ ଘଟିଥିବା ବେଳେ ଗୁଜୁରାଟରେ 1591, ମଧ୍ୟପ୍ରଦେଶରେ 486, ଦିଲ୍ଲୀରେ 1969, ଆନ୍ଧ୍ରପ୍ରଦେଶରେ 92, ତାମିଲନାଡୁରେ 625, କର୍ଣ୍ଣାଟକରେ 114 ଓ ତେଲେଙ୍ଗାନାରେ 195 ଜଣଙ୍କ ମୃତ୍ୟୁ ହୋଇଛି ।
