ନୂଆଦିଲ୍ଲୀ: ସମଗ୍ର ଦେଶରେ ହାହାକାର ଖେଳାଇଛି କୋରୋନା ଭାଇରସ । ବର୍ତ୍ତମାନ ସାଧାରଣ ଲୋକଙ୍କ ଠାରୁ ଆରମ୍ଭ କରି ବହୁ କୋରୋନା ଯୋଦ୍ଧା ଏହି ମାରାତ୍ମକ ଭାଇରସର ଶିକାର ହେଉଛନ୍ତି । ତେବେ 24 ଘଣ୍ଟାରେ 33 ଜଣ ବିଏସଏଫ୍ ଯବାନ କୋରୋନା ଆକ୍ରାନ୍ତ ହୋଇଛନ୍ତି । ଏହାକୁ ମିଶାଇ ଦେଶରେ ଏବେସୁଦ୍ଧା ମୋଟ 944 ବିଏସଏଫ୍ ଯବାନ କୋରୋନା ଆକ୍ରାନ୍ତ ହୋଇଛନ୍ତି ।
ମୋଟ ଆକ୍ରାନ୍ତ ଯବାନଙ୍କ ମଧ୍ୟରୁ 302 ଆକ୍ରାନ୍ତ ଯବାନ ଆକ୍ଟିଭ ଥିବାବେଳେ 637 ଯବାନ ସୁସ୍ଥ ହୋଇ ପୁଣି ଡ୍ୟୁଟିରେ ଯୋଗ ଦେଇଛନ୍ତି । ଏଥିସହ 5 ଯବାନ କୋରୋନାରେ ପ୍ରାଣ ହରାଇଥିବା ବିଏସଏଫ ପକ୍ଷରୁ ସୂଚନା ମିଳିଛି ।
ପ୍ରକାଶ ଥାଉକି, ବର୍ତ୍ତମାନ ପ୍ରତ୍ୟେକ ଦେଶରୁ ପାଖାପାଖି 20 ହଜାର ନୂଆ ଆକ୍ରାନ୍ତ ଚିହ୍ନଟ ହେଉଛନ୍ତି । ତେବେ ଦେଶରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ 5 ଲକ୍ଷ 28 ହଜାର 859ରେ ପହଞ୍ଚିଛି । ଏଥିସହ କୋରୋନା କାରଣରୁ ଦେଶରେ ଏବେସୁଦ୍ଧା 16095 ଆକ୍ରାନ୍ତ ପ୍ରାଣ ହରାଇଲେଣି ।
