ଡେରାଡୁନ: ସମସ୍ତ ରାଜ୍ୟରେ ଚିନ୍ତା ବଢାଇଛି ଦିଲ୍ଲୀ ନିଜାମୁଦ୍ଦିନ ମର୍କାଜ ସମାବେଶ । ଉତ୍ତରପ୍ରଦେଶ, ରାଜସ୍ଥାନ, ମହାରାଷ୍ଟ୍ର, ମଧ୍ୟପ୍ରଦେଶ ପରେ ଏବେ ଉତ୍ତରାଖଣ୍ଡରେ ଦେଖାଦେଇଛି ସଙ୍କଟ । ଏହି ସମାବେଶରେ ସାମିଲ ହୋଇଥିବା 245 ଜଣ ସନ୍ଦିଗ୍ଧଙ୍କୁ କ୍ବାରେଣ୍ଟାଇନ ସେଣ୍ଟର ପଠାଇଛନ୍ତି ରାଜ୍ୟ ସରକାର ।
ତବଲିଗୀ ଜମାତରେ ଯୋଗ ଦେଇ ଏମାନେ ସମସ୍ତ ଫେରିଥିବା ଜଣାପଡିଛି । ସମସ୍ତଙ୍କୁ ଖୋଜି ବାହାର କରାଯିବା ପରେ ଚିକିତ୍ସା ପାଇଁ କ୍ବାରେଣ୍ଟାଇନ ସେଣ୍ଟର ପଠାଯାଇ ସେମାନଙ୍କ ନମୁନାର ରିପୋର୍ଟକୁ ଅପେକ୍ଷା କରାଯାଇଛି । ରିପୋର୍ଟ ଆସିବା ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ରାଜ୍ୟ ସ୍ବାସ୍ଥ୍ୟ ବିଭାଗ କହିଛି ।
ଏବେ ସୁଦ୍ଧା ରାଜ୍ୟରେ କୋରୋନା ସଂକ୍ରମିତ ପଜିଟିଭ ମାମଲା 7ରେ ସ୍ଥିର ରହିଛି । ଗତ କିଛି ଦିନ ହେବ କୌଣସି ଆକ୍ରାନ୍ତଙ୍କ ରିପୋର୍ଟ ଆସିନାହିଁ । ସେହିପରି ଆକ୍ରାନ୍ତଙ୍କ ମଧ୍ୟରୁ 2 ଜଣ ସୁସ୍ଥ ହୋଇ ହସ୍ପିଟାଲରୁ ଡିସଚାର୍ଜ ହୋଇଥିବା ସ୍ବାସ୍ଥ୍ୟ ବିଭାଗ ସୂଚନା ଦେଇଛି ।
ସୌଜନ୍ୟ@ANI
