ଭୋପାଳ: କୋରୋନା ପାଇଁ ଜାରି ରହିଥିବା ଲକଡାଉନ ଯୋଗୁଁ ବହୁ ସମସ୍ୟା ଭୋଗୁଛନ୍ତି ପ୍ରବାସୀ ଶ୍ରମିକ । ନିଜ ରାଜ୍ୟ ଓ ଘରକୁ ଚାହିଁଲେ ମଧ୍ୟ ଫେରିପାରୁ ନାହାନ୍ତି । ପାଖରେ ଟଙ୍କା ସରି ଆସିଥିବାବେଳେ ଦିନକୁ ଦୁଇ ବେଳା ଖାଇବା ବି ସେମାନଙ୍କ ପାଇଁ କଠିନ ହୋଇପଡୁଛି ।
ତେବେ ଏହି ପ୍ରରିପେକ୍ଷିରେ ଗୁଜୁରାଟରେ ଫଶି ରହିଥିବା ମଧ୍ୟପ୍ରଦେଶର ଶ୍ରମିକ ମାନେ ନିଜ ରାଜ୍ୟକୁ ଫେରିଛନ୍ତି । ଗୁଜୁରାଟରୁ ବାହାରି ମଧ୍ୟପ୍ରଦେଶରେ ପହଞ୍ଚିବା ପରେ ଝାବୁଆ ଜିଲ୍ଲାରେ ସମସ୍ତ 2 ହଜାର 400 ଜଣ ଶ୍ରମିକଙ୍କର ସ୍କ୍ରିନିଂ କରାଯାଇଥିଲା ।
ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ, ଅତି କମରେ 2400 ଶ୍ରମିକଙ୍କୁ ଗୁଜୁରାଟରୁ ରାଜ୍ୟକୁ ଫେରାଇ ଆଣିବାକୁ 98ଟି ବସ୍ର ଆୟୋଜନ କରାଯାଇଥିଲା । ବର୍ତ୍ତମାନ ମଧ୍ୟପ୍ରଦେଶରେ ସମୂଦାୟ ଆକ୍ରାନ୍ତଙ୍କ ସଂଖ୍ୟା 1,945 ପାର କରିଥିବାବେଳେ, ମୃତ ସଂଖ୍ୟା 99କୁ ବୃଦ୍ଧି ପାଇଛି ।
