ବେଙ୍ଗାଲୁରୁ: ସହି ପାରିଲେନି ଗରିବଙ୍କ ଦୁଃଖ । ଲକଡାଉନ ସମୟରେ ଜମି ବିକ୍ରି କରି ଗରିବଙ୍କୁ ଦେଲେ ଖାଦ୍ୟ । ଏପରି ଦୃଶ୍ୟ ଦେଖିବାକୁ ମିଳିଛି କର୍ଣ୍ଣାଟକ କୋଲାରରେ । ଦୁଇ ଭାଇ ନିଜ ଜମିକୁ 25 ଲକ୍ଷ ଟଙ୍କାରେ ବିକ୍ରି କରି ଲକଡାଉନରେ ପ୍ରଭାବିତ ଗରିବ ଲୋକଙ୍କୁ ସାହାଯ୍ୟ କରିଛନ୍ତି ।
ଦିନ ମଜୁରିଆ ପରିବାର ଲକଡାଉନ୍ ସମୟରେ ଯନ୍ତ୍ରଣା ଭୋଗୁଥିବା ଦେଖି ଦୁଇ ଭାଇ ତୁଜାମିଲ ପାଶା ଏବଂ ମୁଜାମିଲ ପାଶା ସାହାଯ୍ୟ ନେଇ ଚିନ୍ତା କରିଥିଲେ । ପେଶାରେ ଉଭୟ ବ୍ୟବସାୟୀ । ଗରିବଙ୍କ ସାହାଯ୍ୟ ନେଇ ସେ ଜମି ବିକ୍ରୟ କରିବାକୁ ନିଷ୍ପତ୍ତି ନେଇଥିଲେ ।
ଜମି ବିକ୍ରି ପରେ ଗରିବ ଲୋକଙ୍କ ପାଇଁ ଅତ୍ୟାବଶ୍ୟକ ସାମଗ୍ରୀ ଏବଂ ଖାଦ୍ୟ ଶସ୍ୟ କିଣିଛନ୍ତି ଏମାନେ । ବର୍ତ୍ତମାନ ପର୍ଯ୍ୟନ୍ତ ଦୁଇ ଭାଇ 3000 ରୁ ଅଧିକ ପରିବାରକୁ ଖାଦ୍ୟ ଶସ୍ୟ, ତେଲ, ଚିନି ଏବଂ ଅନ୍ୟାନ୍ୟ ଜରୁରୀ ସାମଗ୍ରୀ ଯୋଗାଇ ଦେଇଛନ୍ତି । ଏହାସହ ଗରିବ ଲୋକଙ୍କୁ ହ୍ୟାଣ୍ଡ ସାନିଟାଇଜର ଏବଂ ମାସ୍କ ମଧ୍ୟ ଦେଇଛନ୍ତି ।
କୋଲାର ପ୍ରଶାସନ ସେମାନଙ୍କୁ ସ୍ୱେଚ୍ଛାସେବୀ ପାସ୍ ପ୍ରଦାନ କରିଛନ୍ତି । ଯଦ୍ବାରା ସେମାନେ ଏହି ସମୟରେ ନିର୍ନ୍ଦ୍ବନ୍ଦରରେ ଗରିବଙ୍କୁ ସାହାଯ୍ୟ କରିପାରିବେ । ଏଯାବତ୍ ଭାରତରେ କୋରୋନା ଆକ୍ରାନ୍ତଙ୍କ ସଂଖ୍ୟା 25 ହଜାର ପାର କରିସାରିଲାଣି ।
