ଆନଣ୍ଟାନାରିଭୋ: ଆଫ୍ରିକୀୟ ଦେଶ ମଡାସ୍କାରର ରାଜଧାନୀର ଆନାଣ୍ଟାନାରିଭୋରେ ଘଟିଛି ଏକ ଦୁଃଖଦ ଘଟଣା । ଦଳାଚକଟା ହୋଇ 16 ଜଣ ପ୍ରାଣ ହରାଇଥିବା ବେଳେ 80 ଊର୍ଦ୍ଧ୍ୱ ଆହତ ହୋଇଛନ୍ତି । ସ୍ୱାଧିନତା ଦିବସ ପାଳନ କରୁଥିବା ଅବସରରେ ଘଟିଛି ଏହି ଅଘଟଣ । ଖବର ପାଇ ଘଟଣାସ୍ଥଳରେ ସ୍ଥାନୀୟ ପୋଲିସ ପହଞ୍ଚି ଆହତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରିଛି । ଏଥିସହ ମୃତଦେହ ଗୁଡିକୁ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି।
ସୂଚନା ଅନୁଯାୟୀ, ସ୍ୱାଧିନତା ଦିବସ ପାଳନ ପାଇଁ ଦେଶର ରାଜଧାନୀ ଆନାଣ୍ଟାନାରିଭୋ ଏକ ରାଲି ଆୟୋଜନ ହୋଇଥିଲା । ହେଲେ ହଠାତ୍ କୌଣସି କାରଣ ବଶତଃ ଲୋକେ ଦୌଡାଦୌଡି ଆରମ୍ଭ କରିଥିଲେ । ଫଳରେ ଦଳାଚକଟା ହେବାରୁ 16 ଜଣ ଘଟଣାସ୍ଥଳରେ ପ୍ରାଣ ହରାଇଥିଲେ ।
