ମୁମ୍ବାଇ: ମହାରାଷ୍ଟ୍ରରେ କୋରୋନା ସ୍ଥିତି ଦିନକୁ ଦିନ ଭୟଙ୍କର ପାଲଟୁଛି । ପ୍ରତିଦିନ 500 ଉପରେ ମାମଲା ବାହାରୁଛି । ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି ମୁମ୍ବାଇ । ଏଠାରେ ଆକ୍ରାନ୍ତଙ୍କ ସଂଖ୍ୟା 10 ହଜାର ପାର କଲାଣି ।
ବୁଧବାର ମହାରାଷ୍ଟ୍ରରେ 1233 ନୂଆ ପଜିଟିଭ ଚିହ୍ନଟ ହୋଇଛନ୍ତି । ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା 16 ହଜାର 758ରେ ପହଞ୍ଚିଛି । ସେହିପରି 24 ଘଣ୍ଟାରେ 34 ମୃତ୍ୟୁ ସହ ମୋଟ ମୃତ୍ୟୁ ସଂଖ୍ୟା 651 ଛୁଇଁଛି ବୋଲି ରାଜ୍ୟ ସ୍ବାସ୍ଥ୍ୟ ବିଭାଗ ସୂଚନା ଦେଇଛି ।
ଦେଶର ପ୍ରଥମ ସହର ଭାବେ ମୁମ୍ବାଇରେ ଆକ୍ରାନ୍ତଙ୍କ ସଂଖ୍ୟା 10 ହଜାର ପାର କରିଛି । ବୁଧବାର 769ଟି ନୂଆ ମାମଲା ସହ ଆକ୍ରାନ୍ତଙ୍କ ସଂଖ୍ୟା 10 ହଜାର 527 ପହଞ୍ଚିଛି । ସେହିପରି 25 ମୃତ୍ୟୁ ସହ ମୋଟ ମୃତ୍ୟୁ ସଂଖ୍ୟା 412 ରହିଛି । ଏବେ ସୁଦ୍ଧା 2287 ସୁସ୍ଥ ହୋଇ ଡିସଚାର୍ଜ ହୋଇଛନ୍ତି ବୋଲି ବ୍ରିହନ ମୁମ୍ବାଇ ପୌର ପରିଷଦ ସୂଚନା ଦେଇଛି ।
ଏସିଆର ସବୁଠାରୁ ବଡ ବସ୍ତି ଧାରାବିରେ କୋରୋନା ସଙ୍କଟ ବଢିବାରେ ଲାଗିଛି । 24 ଘଣ୍ଟାରେ 68ଟି ପଜିଟିଭ ସହ ଜଣଙ୍କର ମୃତ୍ୟୁ ହୋଇଛି । ଏବେ ସୁଦ୍ଧା 733 ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି 21ଟି ମୃତ୍ୟୁ ସ୍ପଷ୍ଟ ହୋଇଛି ବୋଲି ସୂଚନା ରହିଛି ।
ସୌଜନ୍ୟ@ANI
