ଥିରୁଅନନ୍ତପୁରମ: ଶହେ ତମ ଦିନରେ ପହଞ୍ଚିଲା କେରଳର କୋରୋନା ଲଢେଇ। ଏନେଇ ଟ୍ବିଟ କରି ରାଜ୍ୟର ଚିତ୍ର ଦେଖାଇଲେ ମୁଖ୍ୟମନ୍ତ୍ରୀ ପିନାରାୟ ବିଜୟାନ । 100 ଦିନ ଭିତରେ 258 କୋରୋନାରେ ଆକ୍ରାନ୍ତ ରହିଥିବା ବେଳେ 97 ଜଣ ସୁସ୍ଥ ହୋଇଛନ୍ତି । ମୋଟ 357ଜଣଙ୍କର ପଜିଟିଭ ରହିଥିବା ବେଳେ 2 ଜଣଙ୍କର ମୃତ୍ୟୁ ଘଟିଛି ।
ଜାନୁୟାରୀ ମାସରେ ପ୍ରଥମେ କେରଳରେ ଉହାନରୁ ଆସିଥିବା ଛାତ୍ରୀଙ୍କ ଠାରେ ଦେଖାଦେଇଥିଲା ଏହି ଭୂତାଣୁ । ଏହାପରେ ସାରା ରାଜ୍ୟରେ ବ୍ୟାପିଥିଲା ଏହି ମହାମାରୀ। ବର୍ତ୍ତମାନ ରାଜ୍ୟରେ ନମୁନା ପରୀକ୍ଷା ପାଇଁ 9ଟି ଲ୍ୟାବର ବ୍ୟବସ୍ଥା କରାଯାଇଛି । ଏହାସହ କୋରୋନା ସହ ଲଢିବା ପାଇଁ ଆଇସୋଲେସ, ଟ୍ରେସିଂ,ପରୀକ୍ଷା ଆଦି ନେଇ ଚାଲିଛି । ଏବେ ସୁଦ୍ଧା ପ୍ରାୟ 8 ହଜାର ନମୁନା ପରୀକ୍ଷା ସରିଥିବା ନେଇ ସୂଚାନା ଦେଇଛନ୍ତି ସ୍ବାସ୍ଥ୍ୟମନ୍ତ୍ରୀ କେ ଶୈଳଜା ।
