ଲକ୍ଷ୍ନୌ: ଉତ୍ତରପ୍ରଦେଶର ରାମପୁରରେ ଘଟିଛି ସଡକ ଦୁର୍ଘଟଣା । 15ରୁ 16 ଜଣ କାଉଡ଼ିଆ ଯାଉଥିବା ଏକ ଗାଡିର ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଜଣେ କାଉଡ଼ିଆଙ୍କର ମୃତ୍ୟୁ ଘଟିଥିବା ବେଳେ 6 ଜଣ ଆହତ ଅଛନ୍ତି । ତେବେ ସମସ୍ତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ ଶିବଙ୍କୁ ଜଳାଭିଷେକ କରିବା ଲାଗି ଏକ ଗାଡିରେ କିଛି କାଉଡି଼ଆ ନିକଟସ୍ଥ ଶୈବପୀଠକୁ ଯାଉଥିଲେ । ସେହିସମୟରେ ଶହେଜାଦନଗରଠାରେ ସେମାନଙ୍କ ଗାଡି ଦୁର୍ଘଟଣା ଘଟିଥିଲା । କାଉଡିଆଙ୍କ ଗାଡି ଗୋଟିଏ ସ୍ଥାନରେ ସ୍ଥିର ହୋଇ ରହିଥିବା ବେଳେ ଅନ୍ୟ ଏକ ଗାଡି ସେମାନଙ୍କ ଗାଡିକୁ ଧକ୍କା ମାରିଥିଲା। ସୂଚନା ପାଇ ଘଟଣାସ୍ଥଳରେ ପୋଲିସ ପହଞ୍ଚି ସମସ୍ତଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।
