ଦିଲ୍ଲୀ: ଦିଲ୍ଲୀର ବେଗମପୁର ଅଞ୍ଚଳରେ ଅଭାବନୀୟ ଘଟଣା । 17 ବର୍ଷୀୟା ନାବାଳିକାକୁ ହତ୍ୟା ପରେ ଅଞ୍ଚଳରେ ଅପ୍ରିତିକର ପରିସ୍ଥିତି ସୃଷ୍ଟି ହୋଇଛି । ଘରେ କେହି ନଥିବାର ସୁଯୋଗ ନେଇ ନାବାଳିକାକୁ ହତ୍ୟା କରିଛି ଅଭିଯୁକ୍ତ । ବାରମ୍ବାର ହାତୁଡିରେ ନାବାଳିକାକୁ ଆକ୍ରମଣ କରିବା ପରେ ଫେରାର ହୋଇଯାଇଥିଲା ଅଭିଯୁକ୍ତ । ଝିଅକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲେ ବି ସେଠାରେ ତାର ମତ୍ୟୁ ଘଟିଛି । ତେବେ ନାବାଳିକା ସହ କୌଣସି ଯୌନ ଉତ୍ପୀଡନ ହୋଇ ନଥିବା ପୋଲିସ କହିଛି ।
ତେବେ କିଛିଦିନ ପୂର୍ବରୁ ସେହି ଅଞ୍ଚଳର ଯୁବକ ମୃତ ନାବାଳିକାକୁ ବିବାହ କରିବାକୁ ଚାହୁଁଥିଲା । ମାତ୍ର ଯୁବକର ପ୍ରସ୍ତାବରେ ରାଜି ହୋଇ ନଥିଲା ନାବାଳିକା ।ସେପଟେ ଯୁବକ ଏବଂ ନାବାଳିକା ମଧ୍ୟରେ ବିଗତ 5 ବର୍ଷରୁ ବନ୍ଧୁତା ଥିବାବେଳେ ପରିବାର ଲୋକଙ୍କ ସହ ତାର ଭଲ ସମ୍ପର୍କ ଥିବା ପୋଲିସ କହିଛି ।
