ଶ୍ରୀନଗର: ସୋସିଆଲ ମିଡିଆରେ ଭିଡିଓ ସେୟାର କରି ଲୋକଙ୍କ ମନ ଜିତୁଛନ୍ତି ଜମ୍ମୁ କାଶ୍ମୀରର ଝିଅ(social media influencer Aqsa Masrat ) । ବର୍ତ୍ତମାନ ସେ କାଶ୍ମୀର ଉପତ୍ୟାକାର ସବୁଠାରୁ କମ୍ ବୟସ୍କ ସୋସିଆଲ ମିଡିଆ ଇନ୍ଫ୍ଲୁଏନନ୍ସର୍(social media influencer) ଭାବରେ ପରିଚୟ ପାଇଛନ୍ତି । ସାପୁର ଅଞ୍ଚଳର ଏହି ୧୦ ବର୍ଷୀୟ ଝିଅଟିର ନାଁ ହେଉଛି ଅକ୍ସା ମସ୍ରତ୍ । ଅକ୍ସା ମସ୍ରତ୍ଙ୍କୁ ଦେଖିବା ପରେ ବର୍ତ୍ତମାନ କାଶ୍ମୀର ଉପତ୍ୟାକା ପରିବର୍ତ୍ତନ ଆଡ଼କୁ ଅଗ୍ରସର ହେଉଥିବା କୁହାଯାଉଛି ।
ଏହି ୧୦ ବର୍ଷୀୟ ଝିଅଟି ନିଜ ଆଖପାଖ ଅଞ୍ଚଳରେ ଦେଖୁଥିବା ଘଟଣାବଳୀକୁ ନେଇ ଭିଡିଓ ପ୍ରସ୍ତୁତ କରିଥଆନ୍ତି । ବର୍ତ୍ତମାନ ଅକ୍ସା ଶାହ ରସୁଲ ମେମୋରିଆଲ ସ୍କୁଲ୍ରେ ଛାତ୍ରୀ । ମାତ୍ର ୬ ବର୍ଷ ବୟସରେ ସେ ନିଜର ପ୍ରଥମ ଭିଡିଓ ତିଆରି କରିଥିଲା । ଏହି ଭିଡିଓଟିର ନାମ ଥିଲା 'ଚିଲ୍ଲାଇ କଲାନ୍' । ଏହି ଭିଡିଓ ମାଧ୍ୟମରେ ଶୀତ ଋତୁ ଯୋଗୁଁ ୪୦ ଦିନ ଧରି କାଶ୍ମୀରରେ ଅନୁଭୁତ ହେଉଥିବା ପ୍ରଚଣ୍ଡ ଶୀତ ବିଷୟରେ ସେ କହିଥିଲେ ।
ଭିଡିଓକୁ ନେଇ ଅକ୍ସା କହିଛନ୍ତି, "ମୁଁ ଚାହୁଁଛି ମୋ ବୟସର ଛୁଆମାନେ ଜୀବନକୁ ଉପଭୋଗ କରନ୍ତୁ ଓ ପ୍ରକୃତ ଜୀବନ ବିଷୟରେ ଜାଣନ୍ତୁ । ମୁଁ ଚିଲ୍ଲାଇ କଲାନ୍ ଭିଡିଓ ପ୍ରସ୍ତୁତ କରିଥିଲି । ମୁଁ ଏହାକୁ ବେପରୁଆ ଢଙ୍ଗରେ ଏହି ଭିଡିଓ ପ୍ରସ୍ତୁତ କରିଥିଲି । କିନ୍ତୁ ୟୁଜର୍ସମାନେ ଏହାକୁ ଖୁବ୍ ପସନ୍ଦ କଲେ । ଯାହାଦ୍ବାରା ଅଧିକ ଭିଡିଓ ପ୍ରସ୍ତୁତ କରିବାକୁ ମୁଁ ପ୍ରେରଣା ପାଇଲି ।"
କାଶ୍ମୀର ଉପତ୍ୟାକାର ୧୦ ବର୍ଷୀୟ ଝିଅ ଅକ୍ସା ବର୍ତ୍ତମାନ ସୁଦ୍ଧା ୫୦ରୁ ଅଧିକ ଭିଡିଓ ପ୍ରସ୍ତୁତ କରି ସାରିଛନ୍ତି । ତାଙ୍କୁ ଭିଡିଓ ସୋସିଆଲ ମିଡିଆରେ ଢେର୍ସାରା ଭିୟୁ ମଧ୍ୟ ମିଳୁଛି । ମଜାଦାର ଭିଡିଓ ସହ ତାଙ୍କ ସମାଜରେ ଦେଖା ଦେଉଥିବା ସମସ୍ୟା ବିଷୟରେ ଭିଡିଓ ମାଧ୍ୟମରେ ଜଣାଇଥାଆନ୍ତି ଅକ୍ସା । ଏହିସବୁ ଭିଡିଓରେ ଅକ୍ସାଙ୍କୁ ମିଲିୟନ ମିଲିୟନ ଭିଡିଓ ମିଳୁଛି । ବର୍ତ୍ତମାନ ତାଙ୍କ ଫେସ୍ବୁକ ପେଜ୍ରେ ୫୮ ହଜାରରୁ ଅଧିକ ଫଲୋଅର୍ସ ରହିଛନ୍ତି ।
ବର୍ତ୍ତମାନ ଅକ୍ସା ପଞ୍ଚମ ଶ୍ରେଣୀରେ ପାଠ ପଢ଼ୁଛନ୍ତି । ଭିଡିଓ ପ୍ରସ୍ତୁତ କରୁଥିବାରୁ ତାଙ୍କୁ ସ୍ଥାନୀୟ ଅଞ୍ଚଳରେ କେତେକ ସମସ୍ୟାର ମଧ୍ୟ ସମ୍ମୁଖୀନ ହେବାକୁ ପଡ଼ିଛି । ତେବେ ଭିଡିଓ ପ୍ରସ୍ତୁତ କରିବା ପାଇଁ ସବୁବେଳେ ପରିବାରବର୍ଗଙ୍କ ସମର୍ଥନ ମଧ୍ୟ ମିଳିଛି । ସେ ନିଜ ମାମୁଁଙ୍କଠାରୁ ପ୍ରେରଣା ପାଇଁ ଭିଡିଓ ପ୍ରସ୍ତୁତ କରିଛନ୍ତି । ଯିଏ କି ଜଣେ ଜଣାଶୁଣା ଅନ୍ତର୍ଜାତୀୟ ଫଟୋସାମ୍ବାଦିକ(Photojournalist) । ଭବିଷ୍ୟତରେ ଜଣେ ପ୍ରଶାସନିକ ଅଧିକାରୀ ହେବାକୁ ଲକ୍ଷ୍ୟ ରଖିଛନ୍ତି ଅକସା ମସ୍ରତ୍ ।
