ଡେରାଡୁନ: ପୁଣି ବିବାଦୀୟ ବୟାନ ଦେଇଛନ୍ତି ବାବା ରାମଦେବ । ମେଡିକାଲ ସାଇନ୍ସକୁ ଟାର୍ଗେଟ କରିଛନ୍ତି ବାବା । ହରିଦ୍ବାରରେ ପତଞ୍ଜଳୀ ଯୋଗପୀଠ ଆୟୋଜିତ ଏକ କାର୍ଯ୍ୟକ୍ରମରେ ଆମେରିକା ରାଷ୍ଟ୍ରପତି ଜୋ ବାଇଡେନକୁ ନିଶାନା କରି କୋରୋନା ଭ୍ୟାକ୍ସିନକୁ ମେଡିକାଲ ସାଇନ୍ସର ବିକଳ୍ପ ବୋଲି କହିଛନ୍ତି । ମେଡିକାଲ ସାଇନ୍ସ ବିଫଳ ହୋଇଛି । ଦୁନିଆ ପୁଣିଥରେ ପ୍ରାକୃତିକ ଔଷଧକୁ ଫେରିବ ବୋଲି ଦାବି କରିଛନ୍ତି ବାବା ରାମଦେବ।
ବାବା ରାମଦେବ ଆହୁରି କହିଛନ୍ତି, "ଆମେରିକା ରାଷ୍ଟ୍ରପତି ଜୋ ବାଇଡେନ ତିନି ତିନି ଥର କୋରୋନା ସଂକ୍ରମିତ ହୋଇଛନ୍ତି । ଡବଲ ଡୋଜ ଭ୍ୟାକ୍ସିନ ଏବଂ ବୁଷ୍ଟର ଡୋଜ ପରେ ବି ବାଇଡେନ ପୁଣି କୋରୋନାରେ ଆକ୍ରାନ୍ତ ହୋଇଛନ୍ତି । ମେଡିକାଲ ସାଇନ୍ସରେ ସର୍ବ ଶକ୍ତିମାନ ଦେଶ ବୋଲାଉଥିବା ଆମେରିକା ବିଫଳ ହୋଇଛି ।" ମେଡିକାଲ ସାଇନ୍ସକୁ ଶିଶୁ ବୋଲି କହିଛନ୍ତି ବାବା । ଆଗକୁ ପ୍ରାକୃତିକ ଔଷଧକୁ ଆପଣାଇବ ବିଶ୍ବ ।
ଏହା ବି ପଢନ୍ତୁ...ଜଷ୍ଟିସ୍ ଲଳିତ ପରବର୍ତ୍ତୀ ପ୍ରଧାନ ବିଚାରପତି, ନାଁ ସୁପାରିସ କଲେ CJI
ପତଞ୍ଜଳୀର ଅନ୍ତରାଷ୍ଟ୍ରୀୟ ସମ୍ମିଳନୀର ତୃତୀୟ ଦିନ ଏପରି ମନ୍ତବ୍ୟ ଦେଇଛନ୍ତି ବାବା ରାମଦେବ । କୋଟି କୋଟି ଲୋକ ଜଡିବୁଟି ଆପଣେଇଛନ୍ତି । ତୁଳସୀ, ଆଲବେରା ଭଳି ଔଷଧକୁ ସ୍ଥାନ ଦେଇଛନ୍ତି ଯାହା ତାଙ୍କ ସ୍ବାସ୍ଥ୍ୟରେ ସମୃଦ୍ଧି ଆଣୁଛି । ଦୁନିଆ ଜଡିବୁଟିକୁ ଫେରିବ । ବର୍ତ୍ତମାନ ଅନେକ ଔଷଧ ଉପରେ ରିସର୍ଜ ଚାଲିଛି ଆଗକୁ ଭାରତ ଏକ ବଡ ଅର୍ଥବ୍ୟବସ୍ଥା ହେବ ବୋଲି କହିଛନ୍ତି ବାବା ।
