ପାଣାଜୀ: ଆସନ୍ତା ସୋମବାର ଗୋଆରେ ପଡିବ ଭୋଟ୍ । ଫେବୃୟାରୀ ୧୪ ତାରିଖରେ ଗୋଆ ବିଧାନସଭା ନିର୍ବାଚନ ପାଇଁ ଗୋଟିଏ ପର୍ଯ୍ୟାୟ ମତଦାନ ହେବ । ଏହି ମତଦାନ ଦିବସକୁ ରାଜ୍ୟରେ ସାଧାରଣ ଛୁଟିଦିନ ଭାବେ ଘୋଷଣା କଲେ ଗୋଆ ସରକାର । ସାଧାରଣ ଛୁଟିଦିନ ଭଳି ୧୪ ତାରିଖ ଦିନ ରାଜ୍ୟର ସମସ୍ତ ସରକାରୀ ଓ ଘରୋଇ ଅନୁଷ୍ଠାନ ବନ୍ଦ ରହିବ । ସୋମବାର ଏନେଇ ଘୋଷଣା କରାଯାଇଛି ।
ଏଥିସହ ସମସ୍ତ ସରକାରୀ ଏବଂ ବେସରକାରୀ କର୍ମଚାରୀଙ୍କୁ ଏହି ଦିନର ଦରମା ପ୍ରଦାନ କରାଯିବ ବୋଲି ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି । ପ୍ରକାଶଥାଉ କି, ୪୦ଟି ବିଧାନସଭା ଆସନ ପାଇଁ ଗୋଆରେ ଭୋଟ୍ ଗ୍ରହଣ ହେବ । ଏଥିପାଇଁ ମୋଟ ୩୩୨ ପ୍ରାର୍ଥୀ ପ୍ରତିଦ୍ବନ୍ଦିତା କରୁଛନ୍ତି । ବର୍ତ୍ତମାନ ଏଠାରେ ବିଜେପି ସରକାର ସତ୍ତାସୀନ ଥିବାବେଳେ ଚଳିତ ନିର୍ବାଚନରେ ବିଶେଷ ଭାବେ ଭାଜପା ଏବଂ କଂଗ୍ରେସ ମଧ୍ୟରେ ଜୋରଦାର ଲଢେଇ ହେବାକୁ ଯାଉଛି ।
ନିର୍ବାଚନୀ ଦୌଡରେ ଆପ୍ ଏବଂ ଟିଏମ୍ସି ମଧ୍ୟ ରହିଛନ୍ତି । ଆସନ୍ତା ୧୪ରେ ଏଠାରେ ମତଦାନ ହେବ ଏବଂ ମାର୍ଚ୍ଚ ୧୦ରେ ଭୋଟ୍ ଗଣତି କରାଯିବ ।
@ANI
