ନୂଆଦିଲ୍ଲୀ : ଦୀର୍ଘ ଦିନ ଧରି ଟିକିରି ବର୍ଡରରେ ନୂଆ କୃଷି ଆଇନକୁ ନେଇ କୃଷକଙ୍କ ଧାରଣା ଚାଲିଥିବା ବେଳେ ପୁଣି ଜଣେ କୃଷକଙ୍କ ମୃତ୍ୟୁ ଖବର ସାମ୍ନାକୁ ଆସିଛି । ମୃତ କୃଷକ 45 ବର୍ଷିୟ ଭୋଳା ସିଂ ବୋଲି ଜଣା ପଡିଛି । ଗତକାଲି ରାତିରେ ଭୋଳାଙ୍କ ମତ୍ୟୁ ହୋଇଛି । ହୃତଘାତରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ମୃତ କୃଷକଙ୍କ ଘର ମାନସା ଜିଲ୍ଲାର ଖୁଦାଲ କାଲାନ ଗାଁର ବାସିନ୍ଦା ବୋଲି ଜଣା ପଡିଛି । ସେ ଗତକାଲି ଧାରଣା ସ୍ଥଳରେ ଥିବା ସମୟରେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ପରେ ତାଙ୍କର ମୃତ୍ୟୁ ହୋଇଯାଇଥିଲା । ମୃତ ଭୋଳାଙ୍କ ନାଁ ରେ 3 ଲକ୍ଷ ଟଙ୍କାର ଋଣ ଥିବା ତାଙ୍କ ପରିବାର ପକ୍ଷରୁ କୁହାଯାଇଛି ।
ଦୀର୍ଘ ଦିନ ଧରି ଚାଲିଆସୁଥିବା କୃଷକ ଆନ୍ଦୋଳନରେ ଭୋଲା ସିଂ ସକ୍ରିୟ ଭାବେ ଅଂଶ ଗ୍ରହଣ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
