ହାଇଦ୍ରାବାଦ: କଥାରେ ଅଛି ମାଆ ନାହିଁ ଯାହାର ସାହା ନାହିଁ ତାହାର । ସଂସାରର ସବୁଠୁ ଅମୂଲ୍ୟ ସମ୍ପଦ ମାଆ । ମାଆର ନିଃସ୍ବାର୍ଥପର ପ୍ରେମ ଆଗରେ ଜୀବନର ସବୁକିଛି ତୁଚ୍ଛ । ମଣିଷ ହେଉ ଅବା ପକ୍ଷୀ, ପ୍ରତିଟି ଜୀବ ନିଜର ସନ୍ତାନ ପାଇଁ ଦୁନିଆ ସହ ଲଢିଯାଏ । ଆଉ ଛୁଆ ଉପରେ ବିପଦ ଆସିବା ଆଗରୁ ସେ ହସି ହସି ଏହାକୁ ବରଣ କରେ । ଛୁଆ ପାଇଁ ମାଆ ଯେ କିପରି ମୃତ୍ୟୁ ଆଗରେ ଛାତି ଫୁଲାଇ ଛିଡା ହୁଏ, ତାହାର ଏକ ନିଚ୍ଛକ ଚିତ୍ର ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ମହିନ୍ଦ୍ରା ଗ୍ରୁପର ଅଧ୍ୟକ୍ଷ ଆନନ୍ଦ ମହିନ୍ଦ୍ରା ନିଜ ଟ୍ବିଟର ହ୍ୟାଣ୍ଡେଲରେ ଭିଡିଓଟିକୁ ସେୟାର କରିଛନ୍ତି ।
-
Maa tujhe salaam… pic.twitter.com/BHLSzvDfHW
— anand mahindra (@anandmahindra) April 19, 2022 " class="align-text-top noRightClick twitterSection" data="
">Maa tujhe salaam… pic.twitter.com/BHLSzvDfHW
— anand mahindra (@anandmahindra) April 19, 2022Maa tujhe salaam… pic.twitter.com/BHLSzvDfHW
— anand mahindra (@anandmahindra) April 19, 2022
୧ ମିନିଟ୍ ୧୯ ସେକେଣ୍ଡର ଏହି ଭିଡିଓଟିରେ ଦେଖାଯାଇଛି, ରାସ୍ତାକଡରେ କିଛି ଅଣ୍ଡା ରହିଛି ଏବଂ ପାଖରେ ମାଆ ପକ୍ଷୀଟିଏ ଅଛି । ସେହି ବାଟ ଦେଇ ଯାଉଥିବା ଏକ ଜେସିବି ଖନନ ପାଇଁ ହଠାତ୍ ଅଣ୍ଡା ଆଡକୁ ଅଗ୍ରସର ହେଉଛି । ନିଜ ଅଣ୍ଡାର ସୁରକ୍ଷା ପାଇଁ ମାଆ ପକ୍ଷୀଟିଏ ଛାତି ଫୁଲାଇ ସାହାସର ସହ ଛିଡା ହୋଇଯାଉଛି ଜେସିବି ଆଗରେ । ଜେସିବିଟି ଘଁ ଘଁ ଶବ୍ଦ କରି ପକ୍ଷୀ ଆଡକୁ ମାଡି ଆସୁଥିଲେ ମଧ୍ୟ ମାଆ ପକ୍ଷୀଟି ଅଣ୍ଡା ଉପରେ ନିଜର ଡେଣା ମେଲାଇ ସେମିତି ଛିଡା ହେଉଛି । ଜେସିବି ବାରମ୍ବାର ପକ୍ଷୀକୁ ଘଉଡାଇବା ପାଇଁ ତା' ଆଡକୁ ଆସୁଥିଲେ ହେଁ ହେଲେ ମାଆ ନିଜ ସ୍ଥାନରୁ ହଟୁନାହିଁ, ବରଂ ଜେସିବିକୁ ଅଟକାଇବା ପାଇଁ ଚିତ୍କାର କରୁଛି । ଯେମିତି ଲାଗୁଛି, ମାଆଟି କଳି କରୁଛି ନିଜ ପିଲାର ଜୀବନ ପାଇଁ । ଶେଷରେ ପକ୍ଷୀର ମାତୃତ୍ବ ଆଗରେ ହାର ମାନି ଜେସିବି ମଧ୍ୟ ପଛକୁ ହଟି ଯାଉଛି । ଆନନ୍ଦ ମହିନ୍ଦ୍ରା ମାତୃତ୍ବ ପ୍ରେମର ଏହି ଭିଡିଓକୁ ସେୟାର କରି ଏହାର କ୍ୟାପସନ ରଖିଛନ୍ତି ମାଆ ତୁଝେ ସଲାମ୍...
ବ୍ୟୁରୋ ରିପୋର୍ଟ, ଇଟିଭି ଭାରତ
