ବେଙ୍ଗାଲୁରୁ: କର୍ଣ୍ଣାଟକର ଚିକ୍କାମାଗାଲୁରୁରେ ଏକ ଆବାସିକ ବିଦ୍ୟାଳୟର ୭୦ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେଥିରେ ୬୩ ଛାତ୍ରଛାତ୍ରୀ ପଜିଟିଭ ଚିହ୍ନଟ ଅଛନ୍ତି । ପରୀକ୍ଷା ପାଇଁ ଶିକ୍ଷକ ଏବଂ ଅଣଶିକ୍ଷକ କର୍ମଚାରୀଙ୍କ ସହିତ ମୋଟ 418 ନମୁନା ସଂଗ୍ରହ କରାଯିବା ପରେ ଏହି ମାମଲା ସାମ୍ନାକୁ ଆସିଛି ।
ଚିକ୍କାମାଗାଲୁରୁ ଜିଲ୍ଲା ଏନଆର ପୁରା ତାଲୁକ ଅନ୍ତର୍ଗତ ସିଗୋଡୁରେ ଥିବା ଜବାହାର ନବଦ୍ୟୋୟ ବିଦ୍ୟାଳୟର ଜଣେ ଶିକ୍ଷକ ପଜିଟିଭ୍ ଆସିବା ପରେ ସମସ୍ତଙ୍କ ନମୁନା ସଂଗ୍ରହ କରି ପରୀକ୍ଷା କରାଯାଇଥିଲା । ଶନିବାର ଦିନ 40 ଜଣ ଛାତ୍ର କୋଭିଡ ପଜିଟିଭ ଆସିବା ପରେ ଜିଲ୍ଲା ପ୍ରଶାସନ ବିଦ୍ୟାଳୟକୁ ବନ୍ଦ କରିଥିଲା । ଆଜି ପଜିଟିଭ ସଂଖ୍ୟା ୭୦ରେ ପହଞ୍ଚିଛି । ସଂକ୍ରମିତ ସମସ୍ତଙ୍କୁ ବିଦ୍ୟାଳୟ ପରିସରରେ ରଖାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
