ଡେରାଡୁନ: ଉତ୍ତରାଖଣ୍ଡ ଚମୋଲୀ ଜିଲ୍ଲାରେ ବନ୍ୟା ବିପର୍ଯ୍ୟକୁ 9 ଦିନ । ଆଜି ବି ଜାରି ରହିଛି ଉଦ୍ଧାର କାର୍ଯ୍ୟ । ଜୋଶିମଠ ତପୋବନ ସୁଡଙ୍ଗରେ ଫସି ରହିଥିବା ଅନେକ ନିଖୋଜଙ୍କୁ ଖୋଜୁଛନ୍ତି ଯବାନ । ଆଜି ସୁଦ୍ଧା 53 ଜଣଙ୍କ ମୃତ ଦେହ ଉଦ୍ଧାର କରାଯାଇଛି । ଏନେଇ ରାଜ୍ୟ ବିପର୍ଯ୍ୟୟ ମୁକାବିଲା ବଳ ପକ୍ଷରୁ ସୂଚନା ଦିଆଯାଇଛି ।
ରବିବାର ଦିନ ଉଦ୍ଧାରକାରୀ ଦଳ 13ଟି ମୃତଦେହ ଉଦ୍ଧାର କରିଥିଲେ । ତପୋବନ ବିଦ୍ୟୁତ ପ୍ରକଳ୍ପ ଟନେଲରୁ 6, ରେନି ଅପଷ୍ଟ୍ରିମରୁ 6 ଏବଂ ରୁଦ୍ରପ୍ରୟାଗର ନଦୀ କୂଳରୁ ଗୋଟିଏ ମୃତଦେହ ଜବତ ହୋଇଥିଲା ।
ଗତ 7 ଫେବୃୟାରୀ ଚମୋଲୀରେ ହଠାତ ହିମସ୍ଖଳନ ହେବାରୁ ବନ୍ୟା ପରସ୍ଥିତି ସୃଷ୍ଟି ହୋଇଥିଲା । ବନ୍ୟା ପାଣି ମାଡି ଆସିବାରୁ ତପୋବନ ବିଦ୍ୟୁତ ପ୍ରକଳ୍ପ ସମ୍ପୂର୍ଣ୍ଣ ନଷ୍ଟ ହୋଇଥିଲା । ଯେଉଁଥିରେ ଅନେକ ଭାସି ଯିବା ସହ ଟନେଲ ଭିତରେ ଫସି ରହିଥିଲେ । ଏହି ବିପର୍ଯ୍ୟୟରେ 206 ଜଣ ନିଖୋଜ ଥିବାବେଳେ 53 ମୃତ ଦେହ ଉଦ୍ଧାର ହୋଇଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
