ମୁମ୍ବାଇ: ଅମରାବତୀରେ ବଡ ଦୁର୍ଘଟଣା । କୋଠା ଭୁଶୁଡି 5ଜଣଙ୍କ ମୃତ୍ୟୁ । ଅମରାବତୀ ସହରର ପ୍ରଭାତ ଛକ ନିକଟରେ କୋଠା ଭୁଶଡିବା(Building collapsed in Amravati ) ଫଳରେ 5ଜଣଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣା ପରେ ମ୍ୟୁନିସିପାଲିଟିର କାର୍ଯ୍ୟ ଉପରେ ପ୍ରଶ୍ନବାଚା ସୃଷ୍ଟି ହୋଇଛି ।
ସୂଚନା ଅନୁସାରେ, ମଧ୍ୟାହ୍ନ 1.30ରେ ଏହି ଦୁର୍ଘଟଣା ହୋଇଛି । ଏହି ସମୟରେ ବିଲଡିଂର ତଳ ମହଲାରେ ଥିବା ଦେକାନରେ 5ଜଣ ଲୋକ କାର୍ଯ୍ୟ କରୁଥିଲେ । କୋଠା ଭୁଶୁଡିବା ଫଳରେ 5ଜଣ ଲୋକ ଚାପି ହୋଇ ରହିଥିବା ବେଳେ 5ଜଣଙ୍କ ମୃତ୍ୟୁ ହୋଇଛି । ପ୍ରାଥମିକ ଭାବେ 2ଜଣଙ୍କ ମୃତଦେହ ଉଦ୍ଧାର କରାଯାଇଥିବା ବେଳେ ବର୍ତ୍ତମାନ 5ଜଣଙ୍କ ମୃତଦେହ ଉଦ୍ଧାର କରାଯାଇଛି । ଏହି ଘଟଣାପରେ ଖବରପାଇ ଅମରାବାତୀର ସାଂସଦ ନବନୀତ୍ ରଣା ଘଟଣାସ୍ଥଳରେ ପହଞ୍ଚିଥିଲେ । ଏହାସହ ଅମରାବତୀର ପୂର୍ବତନ ମେୟର ମିଲିନ୍ଦ ଚିମୋଟେ, ଭିଲାସ ଇନଗୋଲ ଏବଂ କଂଗ୍ରେସ ନଗର ସଭାପତି ବାବୁଲୁ ଶେଖୱାଟ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ ।
ସୂଚନାଅନୁସାରେ ଏହି କୋଠାକୁ ଭାଙ୍ଗିବା ସହ ଲୋକଙ୍କୁ ସ୍ଥାନାନ୍ତର କରିବା ପାଇଁ କ୍ରମାଗତ ସାତ ବର୍ଷ ଧରି ମ୍ୟୁନିସିପାଲିଟି ପକ୍ଷରୁ ନୋଟିସ୍ ଜାରି କରାଯାଉଥିଲେ ମଧ୍ୟ କାର୍ଯ୍ୟାନୁଷ୍ଠାନ ନିଆଯାଉନଥିଲା । ଫଳରେ ଆଜି କୋଠା ଭୁଶୁଡି 5ଜଣଙ୍କର ଶୋଚନୀୟ ଭାବେ ମୃତ୍ୟୁ ହୋଇଛି । ଅଧିକ ସୂଚନାକୁ ଅପୋକ୍ଷା କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
