ଅଯୋଧ୍ୟା: ଉତ୍ତରପ୍ରଦେଶର ଅଯୋଧ୍ୟାରେ ବଡ ଅଘଟଣ । ସରଜୁ ନଦୀର ପ୍ରସିଦ୍ଧ ଗୁପ୍ତାର ଘାଟରେ ଗାଧାେଉଥିବା ସମୟରେ ପାଣିରେ ବୁଡିଯାଇଛନ୍ତି ଗୋଟିଏ ପରିବାରର 12 ସଦସ୍ୟ ।
ସୂଚନା ଅନୁଯାୟୀ, ଆଗ୍ରାରୁ 4 ପରିବାରର 15 ଜଣ ଅଯୋଧ୍ୟା ବୁଲିବାକୁ ଆସିଥିଲେ । ତେବେ ଗାଧୋଉଥିବା ସମୟରେ ସମସ୍ତେ ଅଚାନକ ସରଜୁ ନଦୀର ଗପ୍ତାର ଘାଟରେ ବୁଡିଯାଇଥିଲେ । ଏଥିରେ ଶିଶୁ ଓ ମହିଳା ମଧ୍ୟ ସାମିଲ ଅଛନ୍ତି ।
ଘଟଣାସ୍ଥଳରୁ 3 ଜଣଙ୍କୁ ଉଦ୍ଧାର କରାଯାଇଛି । ବର୍ତ୍ତମାନ ସର୍ଚ୍ଚ ଅପରେସନ ଜାରି ରହିଛି । ନଦୀର ଗଭୀର ଭିତରୁ ଯାଇ ସମସ୍ତେ ସ୍ନାନ କରୁଥିବା ସୂଚନା ମିଳିଛି । ବୁଡିଯାଇଥିବା ସମସ୍ତେ ଆଗ୍ରା ସିକନ୍ଦରାର ନିବାସୀ ବୋଲି ଜଣାପଡିଛି ।
ଘଟଣା ବିଷୟରେ ଅବଗତ ଅଛନ୍ତି ରାଜ୍ୟର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ତେବେ ଅଧିକାରୀଙ୍କୁ ତୁରନ୍ତ ଉଦ୍ଧାର କାର୍ଯ୍ୟ ପାଇଁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।
