ପୋଖରୀରେ ବୁଡ଼ି ଦୁଇ ଭାଇଙ୍କ ମୃତ୍ୟୁ, ଗାଁରେ ଶୋକର ଛାୟା

ସମ୍ୱଲପୁର: ପୋଖରୀରେ ବୁଡି ଦୁଇ ଭାଇଙ୍କ ସଲୀଳ ସମାଧି । ଏହିଭଳି ଅଭାବନୀୟ ଘଟଣା ଘଟିଛି ସମ୍ବଲପୁର ଜିଲ୍ଲା ରେଢ଼ାଖୋଲ ଏନଏସିର କଳିନ୍ଦର ଗାଁରେ l ଟୁକୁନା ସେଠ ଓ ତାଙ୍କ ପତ୍ନୀ ପ୍ରିୟତମା ମିର୍ଦ୍ଧା ଘରେ ନଥିବା ସମୟରେ ଦୁଇ ଭାଇ ଘରୁ ଖେଳିବାକୁ ଯାଇ ପୋଖରୀରେ ପଶି ଯାଇଥିଲେ । ପରେ ବାପାମାଆ ଘରକୁ ଫେରି ଘରେ ପିଲାଙ୍କୁ ନପାଇ ଖୋଜାଖୋଜି ଆରମ୍ଭ କରିଥିଲେ । ଯାହା ପରେ ପୋଖରୀରୁ ଉଭୟଙ୍କ ମୃତଦେହ ଉଦ୍ଧାର କରିଥିଲେ । ଏହି ଖବର ଶୁଣି ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ସେପଟେ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି l

ଇଟିଭି ଭାରତ, ସମ୍ବଲପୁର